著名电影摄影师何宝荣上月因不敌第四期肺腺癌离世，终年64岁。其家属今日（10/7）于香港殡仪馆为他设灵，家人一早便到达灵堂打点一切，神情哀伤。

“他已经升班去了另一个地方”

何宝荣的遗孀何梁曼仪在灵堂外接受《香港01》访问，虽然难掩悲痛，但提及丈夫时依然表现得十分坚强。她透露丈夫有修行，因此对于生死表现得豁达：“OK嘅，因为其实我先生呢……我哋修行嘅，所以我先生已经系‘升班’上紧去修行，佢而家系……我哋而家全部人同佢做紧佢最后嘅Party送佢。咁……挂住同埋心痛一定会有，一定会喊，但都OK嘅。”

十多年前曾中风 遗孀：学会放手不能贪心

谈到何宝荣的病情，何梁曼仪透露丈夫是在今年年初确诊并开始接受治疗，同时她亦非常感谢医护人员的悉心照顾。她坦言，丈夫十多年前曾经中风，其实当时已经是“赚了”回来的日子：“Cancer，知道𠮶阵已经系四期嘅肺腺癌，咁……今年1月开始就正式治疗啰。咁就……都好多谢所有医护啦，我哋喺广华医院嘅，咁多位医生同埋啲医护呢，都好细心咁照顾佢。咁但系我哋知道，其实因为我先生佢十几年前中过风，其实佢而家系‘赚咗’㗎啦，咁我哋就唔可以贪心嘅。既然赚咗嘅话，我哋就要学识放手。咁我哋既然大家都够爱嘅话，佢灵魂应该……带住呢份爱去上面修行，所以系……就系咁样。”

被问到丈夫临终前有没有什么遗憾，何梁曼仪表示：“佢就系要我……好好哋生活啰。其实佢冇乜遗憾，因为我哋真系唔可以贪心。我哋已经……佢亦都可以喺最后嘅时间同所有最爱嘅人道别、一齐，所以系好感恩。”

道教仪式低调告别 同修好友灵堂送别

何梁曼仪澄清，灵堂上出现的小朋友并非两人的子女，而是他们的姨甥。她亦透露今日不会有特别的宗教仪式：“我哋本身系道教嘅，而且我哋自己系修行嘅，所以我哋冇做特别嘅仪式。我哋自己都系师傅，所以就得㗎啦，同埋我啲同修都喺晒度，而家都嚟齐。”

何梁曼仪透露丈夫是在今年年初确诊肺腺癌，并开始接受治疗。（吴子生摄）