方力申今日（10/7）现身电视城，出席无线全新节目《家传之“保”2》的宣传活动。小方在接受《香港01》访问时大谈家庭乐，除了透露父亲见到孙女时的喜悦之情，亦分享自己近年升级为人父后的深刻转变。

父亲有孙万事足 展露廿年未见笑容

谈到这次带同父亲和女儿三代同堂一起参与节目，方力申笑言过程相当顺利。他表示：“其实我老窦都无所谓嘅，我同佢讲要做访问，佢话佢以前都有做开访问，冇问题。今次就再同佢讲话有埋个孙女呢，他就更开心啰。他初时都会觉得‘无咩讲啦，都讲过，讲过晒啦。’但我同他讲：‘唔系呀，今次讲三代呀，有埋个孙女会去呀。’跟住佢见有孙女就唔同晒啦。”

小方更爆料指，女儿的出生让父亲整个人都变了，甚至展现出多年未见的慈祥笑容：“十几年、二十年都未见过佢有咁好嘅笑容，即系咁开心嘅笑容。”他更笑称父亲现在每天的生活重心完全围绕著孙女：“佢如果个孙女，譬如我同太太带咗佢出街呢，佢就话佢𠮶日无嘢做。即系佢每一日有嘢做嘅，就系有孙女就有嘢做，无孙女就无嘢做咁啰。”

升级人父感触良多 与太太分工合作

女儿目前已经七个月大，方力申坦言自己随着女儿一天天长大，心态上有著极大的转变。他表示：“大转变，系啊。我之前都讲过，即系结婚已经大转变啦，跟住之后生埋小朋友就更大转变。所以，样样嘢都系学紧啦，我都经常有follow好多，即系‘点做个老公啊’、‘点做个爸爸’，全部都要学、学点做啰。其实都都要学。”

小方更透露，太太在生下宝宝后也有很深的感触：“太太一生咗之后，更加感受到，即系个妈咪对自己嘅爱啊，或者妈咪有几伟大啊，佢话佢生咗之后佢先至知到呢一样嘢。所以其实真系你唔做过老窦，你都唔知，其实即系做父母都系好伟大啰。同埋一见到父亲，睇返对住个孙女，又会慢慢又会记返起：‘啊，原来其实老窦以前都系咁样对我同细佬嘅。’”

谈到现在照顾女儿的分工，小方透露自己主要负责“早班”：“我系做早更啰，太太夜更。夜晚嘅时候佢会起身，喂奶，照顾，佢会起两三次身。咁我就会早起身啰，早起身嘅时候，系讲紧系六点几嘅时候就会起身啰。因为如果个女起身嘅时候，她已经醒咗她唔瞓喇，咁就会嘈。”

太太坚持不上Playgroup 减少接触病菌

虽然自认是个凡事都要重新学习的爸爸，但方力申表示自己绝非“怪兽家长”，目前也未有为女儿报读任何学前班：“无啊，你谂下我依个女都七个月啦，都无报Playgroup。我老婆话唔学㖞，Playgroup唔上㖞。她话惊太多病菌㖞，所以她话唔学住㖞。同埋我又听人哋讲话，Playgroup系其实系父母开心多过小朋友开心，即系你可以一齐同埋一齐上堂嘛。所以佢话Playgroup系比父母玩多、多过比个小朋友玩。”