最近网上屡次流出有粉丝为了与偶像合照而做出疯狂举动，甚至有人为一张台照而追出马路，罔顾自身安全。丁子朗昨日（11日）出席《明爱暖万心》活动时接受《香港01》访问，坦言自己相当幸运，至今遇到的粉丝都非常理智且友善，未曾碰过太夸张的场面。

直言做艺人的代价

对于有艺

人被追著拍照，丁子朗抱持开放态度，直言这是做艺人的代价：“其实作为我叫做喺电视上面嘅艺员啦，有haters、有钟意你嘅人好正常，所以呢个Come with the package，你份工系你选择咗嘅lifestyle，就一定有啲咁嘅人。你唔可以净系要啲好嘅， 唔要啲唔好嘅，冇得咁样嘅。”

不过，若然遇上粉丝不顾生命危险冲出马路索合照，丁子朗又会如何处理？他笑言未遇过这个情况，但就强调会以安全为首要考虑。至于会否背负偶像光环去“教导”粉丝，丁子朗则非常清醒：“我觉得老实讲，我冇一个资格去教育任何人去讲话咩安全唔安全？因为每个人都对佢哋自己嘅生命，有佢自己嘅责任。咁我作为可能佢哋喜欢嘅人，我会讲我自己嘅价值观畀佢哋睇，畀佢哋听。其实我觉得咁样危险，我话未必系咁好。咁但系如果对方坚持嘅话，咁呢个都系佢哋嘅生命，佢哋嘅选择。我当然唔希望有任何悲剧发生啦，最好唔好有，但系我会用尽我嘅能力去话畀佢听我嘅谂法。”

疯狂追星某程度上也是一种精神寄托

丁子朗更暖心补充，疯狂追星某程度上也是一种精神寄托，最重要是出于人的同理心：“当一个正常人见到有人行出马路又遇到危险，都会喝住佢，希望佢会停止呢个项目啦。咁我觉得好正常，就唔关系因为我系咩身份，有冇啲乜嘢影响嘅事，作为人嘅同理心都会觉得小心啲啊，你唔好撞车呀咁样啦，如果喺个马路上面嘅话。”