林芊妤（Coffee）近日因与未够一岁的细女用同一只匙羹食奇异果被网民批评，该帖文有不少人留言，其实Coffee都有虚心承认不足，但她就截下其中一个指她“会考得几分”的留言，趁著今日DSE放榜日另撰长文回复。Coffee直认自己从来不是读书材料，小二已经留班，即使被打到全身衣架印都记不入脑，甚至连家人都放弃自己，使她曾自觉一事无成，不过她其实是想以自身故事勉励各位学生：“望返转头原来读书只系我人生一部份，原来学业成绩差唔等于定义咗我嘅未来，我好庆幸我揾到自己嘅事业同埋人生。”她指自己虽然不是很叻，但深信每个人都有自己长处，希望借此鼓励同学们不要因为不满意成绩而感到迷失。

近日Coffee分享自己喂B女食奇异果的片段，有网民就指二人共用匙羹，她或会将口腔内的细菌带到BB身上，发文问：“点解d老母咁仲意喂自己d口水比bb? 其实系咩心态？ 唔系农村都咁冇卫生常识”Coffee高EQ回应：“你讲得真系啱，我深深地内疚自己竟然做左d咁既事出嚟，我下次会继续留意一下㗎啦，好多谢你嘅意见，但我唔错都错咗，唯有正面地希望佢哋免疫力因为我今次既错会从此增强咗，都多谢你咁紧张我个女既健康，佢真系幸福啦🫶”帖文引起热议，其中有人留言：“Coffee老师会考得几分，唔排除佢真系唔知，不是有心的。”而Coffee对此有感而发，于是cap低这个留言撰文回应。

她承认：“冇错呀，细细个我读书真系好差，唔知点解当时可以形容完全记唔到一样嘢入脑到，俾爸爸打到成身都系衣架印都系记唔到，我差到小学二年班成绩包尾要留班。”她回忆起当时全部同学都升上小三，只得自己停留在二年班，确实觉得很丑怪，而现实中亦没有什么童话，其成绩没有变得突飞猛进，她深明自己确实非读书材料，“之后我屋企人直程放弃咗我，认定咗我系一个白痴，所以到我会考都系得几分，因为咁我都有曾经对于自己嘅未来好迷失，觉得自己系个一事无成嘅人。”

不过她后来回望，终于知道读书只是人生一部份，而非全部，明白到学业成绩并不能定义她的未来，她又说：“我好庆幸我揾到自己嘅事业同埋人生，虽然我依然唔系好叻，但系我亦都好深信每个人都有自己嘅长处，希望你哋好似我咁一样揾到。”Coffee表示知道今日是DSE放榜日，有24个状元，但同样有很多学生对自己成绩不满意及失望，或是对未来迷失，她希望自己的文字，能帮助考生们不要太灰心。

不少人留言指觉得Coffee其实好叻，认为不应用学业成绩去定义一个人是否成功，又赞她回应得体，就连“补习天王”YY Lam林溢欣都留言：“一次马拉松，头10公里跑慢啲落后完全冇问题，最紧要系应（认）清方向，依然有后来居上嘅机会。”