苏玉华与老公潘灿良今日到湾仔香港演艺学院出席钟景辉（King Sir）追思会，一同怀缅恩师。两人无论在人生或戏剧上，深受King Sir影响，在访问忆往日相处时，流露不舍之情。问到King Sir的离开，是否让一众师兄弟感到特别伤感？苏玉华顿时哽咽，眼泛泪光地表示：“我谂King Sir嘅离开，我哋作为佢嘅学生，一定会好唔舍得啦，亦都好好……伤心啰，真系唔舍得佢。我谂呢一刻我自己谂返、睇返，就系我觉得……”阿苏一度伤感得无法言语。

潘灿良：他不仅是我们的老师，更是香港的伟大先辈

潘灿良接著说，King Sir的离去，是整个香港的重大损失：“我谂最大损失嘅，唔系净系我哋学生觉得失去咗一个老师。我自己觉得好似……香港少咗一位好伟大嘅前辈。呢个系属于所有香港人嘅，因为我哋系佢嘅学生，我哋好多前辈都系King Sir嘅学生。其实好多佢教出嚟嘅人，都系为香港做咗好多嘢，建立咗香港今日嘅演艺事业。”

潘灿良坦言，失去这位恩师，每位曾受教的人都感到惋惜，但亦明白人生终须面对生老病死：“我都明白每一个人亦都一定会行一条咁样嘅路。我觉得，我哋喺以后嘅日子，都将King Sir教畀我哋嘅嘢铭记终生。”

他续称，虽然自己未必是一位老师，但若有机会，他希望能将在King Sir身上学到的东西传承下去：“我觉得曾经畀King Sir教过嘅学生，每一个都会想承传佢呢一生人所做到嘅所有咁重要嘅功绩，我哋应该要出一分力。”

秉承King Sir尊严与态度　阿苏︰他在每位学生身上种下会发芽种子

谈到最想将King Sir什么教诲传承给下一代，潘灿良认为并非单纯的演技技术：“演艺上、表演技术上，大家睇我哋做啲咩都可以印证到。但我觉好多大家未必睇到嘅，就系King Sir教畀我哋对于演艺事业嘅𠮶种尊重，同埋作为一个演员或者艺术工作者嘅𠮶种态度。”

他形容，King Sir展现的是一种真诚，并透过艺术带给观众如何走人生更好的路。而阿苏亦非常认同，指戏剧理论可以从书本或前辈身上看到，但King Sir最珍贵之处是“身体力行”：“喺King Sir身上学到嘅嘢，唔单止系佢讲嘅嘢，而系佢真系身体力行，咁样去示范畀我哋睇，作为一个表演者、一个演员、一个艺术工作者，应该要有嘅态度，或者𠮶种专业嘅精神。虽然佢离开咗我哋，但我觉得佢嘅精神系长存嘅。”

阿苏感恩，自己20岁时就认识当时担任院长的King Sir，一路跟随他学习，看著他成为自己的榜样，即使到了今天自己成为专业演员，依然会视他为永远追随的目标：“我觉得佢真系喺我哋每一个学生嘅心目入面，都摆咗粒种子喺度。而𠮶样嘢系永远都会不断喺度成长、不断发芽、不断开花结果。我相信呢个就系佢留畀我哋最珍贵嘅嘢。”

终生难忘King Sir教诲

在King Sir众多教诲中，阿苏透露有一句说话至今仍铭记于心。她曾问过King Sir“人生的意义是什么？”，King Sir的回答令她受用一生：“佢话喺有限嘅生命入面，如果我哋可以不断去帮助别人、去成就别人，呢个佢认为就系人生嘅价值、人生嘅意义。”

阿苏直言，这句话深深影响了她如何体验自己的人生：“你喺别人嘅身上得到一些恩惠或者帮助，令到你自己强壮，变成一个好嘅人，跟住你将呢粒种子又摆喺你接触过嘅其他人身上，去帮其他人、去成就别人。我觉得呢一样嘢好似一个雪球效应咁，去令到我哋嘅社会或者整个世界变得更加美好。”

潘灿良灿爆King Sir发火好有威严

问到阿苏平时演出时，会否问King Sir意见？她表示，自己绝少问旁人意见，因为“做得好唔好其实你自己知”。但King Sir常常会在看完她的演出后，主动上前给予赞赏，慷慨地对她说：“哎呀，你做得好好呀！你继续加油呀，你好好呀！”随后送上一个大拇指。阿苏感到很温暖：“因为佢可以唔讲、可以唔做，但佢会好慷慨、好作为一个老师，好希望你知道佢系欣赏你做嘅嘢。”

潘灿良也补充，King Sir非常尊重每一位艺术工作者，即使学生或演员做得不够好，他从来不会骂，而是用一种非常绅士的方式去引导，并想尽办法保护对手、搭档及学生。

不过，潘灿良亦笑言自己曾目睹King Sir“震怒”的一幕。他回忆道，有一次排戏期间，其中一位演员因身处外地，突然通知工作人员表示︰“返唔到嚟排戏”：“排戏嘅工作人员收到呢个消息之后，就走去同King Sir讲。咁King sir听到呢个消息之后，佢突然之间就沉晒面，然后就话：‘你同佢讲，你话，叫佢唔好同我玩嘢！即刻返嚟！’”

潘灿良笑言，那一刻顿时感受到King Sir对于排戏的认真与执著：“即刻你见到佢𠮶种认真，要排戏嘅就要返嚟排戏。佢都有脾气嘅，佢都系一个人，唔系净系得‘好好先生’一面，其实佢系一个好全面嘅人。”

德才兼备的“男神”— 李司棋

那个年代，还未流行叫人“男神”，若真要选一个，King Sir 绝对当之无愧。他让人著迷的，不光是外表，内在的那份高尚修养，待人接物温文尔雅。

我有时会好奇，是怎样的环境才能教出这样好品格的人？我最欣赏他的，是那份会替人保留尊严的温柔：排戏时，就算演员演得不对，有需要改正的地方，他从不会当众指责，只会把你拉到一旁细声提点。他给足了面子，我们自然不能让他失望。为了不给他添麻烦，每个人都更用心排戏，读熟剧本。后来见过 King Sir 的母亲，一位端庄慈祥又漂亮的长辈，我便明白了。听说他妈妈很好客，那个时候很多同事都会到他家中作客，偏偏我一次都没去过。敬爱却不求亲近，就是我对 King Sir 一直的相处方式。

这样的男神，自然不乏倾慕的女士。但他偏偏是个很清醒的人，饱读诗书，又是公司高层，界线划得清清楚楚。那些无疾而终的明爱暗恋，当年我看到过不少呢！

时间推移至 2012 年舞台剧《金池塘》，演员们去 King Sir 家围读剧本。这是自 1968 年入行，我第一次踏进他的家门！那天他让家佣准备了午餐，桌上没有大鱼大肉，只有营养均衡的菜色，和一碟果仁。那顿饭让我印象很深，原来他吃进肚子里的，跟他做人的态度一样：规律、节制、健康。

89 岁，走了。想起以前他带著我们拍戏、教导我们的日子，心里还是很不舍。在演艺工作中，我很幸运有他的领导。

King Sir，爱你、怀念你的人那么多。

我还是习惯像以前一样，退后一步，站得远远的。只在心底里默默地对你说一句：我也爱你。

* 一个零碎却深刻的片段，已不记得是甚么情况，King Sir 和梁小玲跳 Cha-cha，跳得好靓好靓好靓，赏心悦目，到今日我还能记得当日他的舞姿有多潇洒！