现年38岁的“妹头”卢颂恩活跃幕前多年，从中学时期的模特儿，到入选真人骚《十人巷》，再历经新城电台、有线和商台的磨练，如今她被尊称为“HOYTV一姐”，由昔日的“妹头”升级做“妹姐”，虽然备受瞩目，但妹头一如既往地幽默，她笑说：“我纯粹年纪上系阿姐，‘阿姐唔好阻住条路！’𠮶啲阿姐！”

访问地点：松．Sung 何文田店

7岁父亲离世

妹头7岁时，父亲因癌症离世，任职会计的妈妈独力抚养两姊妹。谈起这段童年往事，她坦言：“𠮶时太细个，唔知咩事，净系见到佢推出医院，爸爸走啦！唔系好有感觉，过咗几年见到妈妈啲相，佢个样系灰咗，好唔开心，咁早就冇人陪佢。”

在《十人巷》学会尊重专业

妹头第一份在主流媒体的工作是参加《十人巷》，节目中导师森美曾告诫她：“做呢行要有自己性格，如果吓吓都随波俗流，我哋点解要你？”她曾因态度问题被雪藏一星期，她忆述：“Stylist畀咗啲嘢我，我觉得唔系好衬，问可唔可以唔戴呀？就令人觉得我‘搞错呀？系咪拣嘢戴？’后尾我谂返，系㖞，呢个系人哋专业，我唔应该挑战，学到要信任团队专业嘅意见。”

任有线主持《南非世界杯》

2010年，妹头加入有线电视主持《南非世界杯》。当年从百人中脱颖而出的试镜场景，她忆述：“𠮶时厂有100个女仔，对镜头讲足球资讯，后面有监制睇住，最后拣咗我入去试。”以一张“白纸”的身份讲波，她连食饭时间都要用来恶补知识：“食饭都要睇报纸话Highlight，了解吓比赛发生咩事、形势如何，球星发生咩新闻，唔通坐喺度白逗人工咩？冇可能！”

面对极具挑战的体育节目，她特别感激前辈们充满人情味，经常主动“交波”让她有表现机会：“见到我一个新新哋嘅女仔，点都畀啲机会佢啦！佢哋会问我：‘妹头有咩意见呀？’我就将功课一轮嘴讲出嚟。”

讲波挨更抵夜是常态，妹头形容当时的生活完全是融入高压的循环中：“欧联讲完出嚟都朝早5点半，一出嚟哗，个天又唔系光得晒、又唔系黑得晒，个画面系好空虚。但𠮶阵7点钟又要去港台做主持，5点钟收工，夜晚又准备拍。𠮶阵个循环就系咁，24小时年终无休。通常有时夜晚10点做完节目，2点再开咪讲波，中间𠮶两个钟就喺厂度瞓。”

《新香蕉俱乐部》三主持“塞钱入袋”

23岁时，妹头获加入新城电台《新香蕉俱乐部》担任接线生。三位主持杜浚斌 （Ben）、林盛斌 （Bob）、范振锋（Ricky），范振锋赐名“妹头”。妹头感激三位主持给机会：“初时匿埋后面筛选边啲电话可以嚟入直播，佢哋会突然捉你入嚟讲两句，报吓天气，畀机会你。”任接线生9个月后她终于获得开咪机会，更被前辈的话点醒：“开咪系咁㗎啦、做节目系咁㗎啦！你咁拘谨返去影硬照啦！”这段经历塑造了她如今玩得、开朗的性格。

拍旅游节目与温泉惊魂

后来，妹头决定专注综艺娱乐轨道，主力拍摄旅游节目。讲波与旅游节目各有各辛苦，她说：“讲波同旅游节目两样嘢嚟。讲波系regular，唔使担心咁多嘢，熟习咗联赛就可以应付到表面；旅游节目成日有唔同突发，吸引力就系你可以成日睇到唔同嘅景象，你个人嘅能量就会Keep住不断咁高、年轻咗！”

拍旅游节目少不得飞来飞去，妹头忆述：“有一次日本拍铁路游，头半个月返嚟落地摆低个喼，返嚟录其他节目嘅VO，跟住返屋企换个喼，第二日又飞返日本，成个月都系咁。”在主持《卧底旅行团》期间，最难忘是在内地浸温泉遇见漂浮的白色脚皮，她直言：“吓到嗌唔到出声，好似撞嘢咁，走啦走啦！”遇上内地导游黑面暗讽“又唔买呀？咁你跟团做咩？”但妹头笑言不怕：“我哋唔熄机！”

妹头与“阿正”李尚正今为HOYTV人气拍档，但她强调两人并非上下把关系：“唔会长期俾佢玩弄，有时我都会趷吓佢！”她更笑言节目中的“英雄救美”是阿正刻意营造：“佢特登捕捉呢啲场面，等你惊吓先，先出手救你。反而啲Crew成日‘扶住我’，唔知点解天生又惊高又惊水，阿正又好大胆，成日话‘有咩好惊！’但我内心颤抖，唔通又发出嚟咩。”