无线长寿处境剧《爱·回家之开心速递》日前（16/7）于铜锣湾举行宣传活动，“龚烨”张景淳现身出席，吸引大批市民及粉丝围观。早前，张景淳在社交平台Threads上，公开留言力撑人气男团MIRROR成员姜涛翻唱《李香兰》：“几好听”，不料却引来网民狙击，指他“冇嘢捞揾嘢黐”。对此，张景淳接受《香港01》访问时大方谈及此事，坦言自己并无不开心，亦借此机会表明心声。

“龚水CP”系心底里嘅“宝”　绝不希望被误解

对于网民的冷言冷语，张景淳坦言自己其实没有不开心，但他十分介意网民用某个角度去扭曲事实，甚至将善意的音乐交流牵扯到《爱·回家》，他表示“龚水CP”的成功对他而言是一个在心底里好好守护的“宝”：“其实讲真𠮶句，我真系冇唔开心。不过，因为我知道网上会有啲人，好钟意用一个角度去讲嘢。因为成个‘龚水CP’喺我心里面系一个宝，佢话：‘啊，你冇得捞，所以去黐人。’我好唔想接住落嚟，唔单止我一个，系所有人，因为我都见过唔止系喺我身上发生，有啲人比较冷嘲热讽。”

张景淳续说：“我好想大家知道，我哋其实扎根喺TVB，系唔会有所谓‘冇得捞’呢件事。只会系每次都做好一个节目，我哋期待下一个节目，或者期待下一套剧。每次就算拍正剧，都一定有呢个过渡期。所以我好想话返畀佢听呢样嘢，同埋，我哋永远都系期待住公司畀我哋嘅project，绝对系无𠮶种所谓要去黐人嘅心态。”

歌星组合出身对音乐仍有团火　惊喜姜涛唱《李香兰》真心大赞

张景淳本身是组合Cheers成员出身，一直以来对唱歌都有一份情意结，更是张学友的忠实粉丝。他解释，当日之所以会在Threads看到姜涛在澳门演唱会翻唱《李香兰》后留下“几好听”三个字，纯粹是出于对音乐的喜爱和对新人的欣赏：“我自己系真系钟意唱歌，我亦都系唱歌出身。点解𠮶次有兴趣留言？因为如果有啲新嘅歌手唱新嘅歌，我呢啲真系已经开始步入‘叔叔年纪’嘅，未必会即刻好快赶得到。但我见到《李香兰》㖞！咁就好奇怪，一个后生歌手唱《李香兰》，想睇吓佢唱成点先。因为我自己都系张学友嘅 fans，我自己都唱得唔好，想听吓佢唱成点。听完，咦？OK 㖞，有惊喜㖞！我觉得作为一个年轻嘅歌手，竟然去唱一啲以前我长大，八、九十年代嘅歌，我绝对觉得应该要表示吓：‘OK，几好。’”张景淳表示，他的留言其实是非常真心的鼓励，只是希望给予后辈支持。

网民已“咀嚼”过　相信终会明白其出发点

被问到在Threads留言引发风波后，该名网民有没有继续对他进行狙击？张景淳笑言：“无喇，无喇！”他相信，虽然一开始对方可能觉得被他“驳返转头”，但时间过去了，大家都会明白他只是单纯欣赏好音乐，并无其他杂念：“我相信𠮶个网民其实咀嚼过……因为我咁样讲，一定佢都会心里面有啲觉得好似我驳返佢转头咁。但其实每个人心里面都有一个公道，我知道佢过咗一段时间，佢一定知道，佢明白我，我相信佢明白嘅。”