声梦传奇出身的组合 After Class 近日再度陷入不和传闻风波。日前网上流传一段访问片段，片中詹天文（Windy）正聊得笑盈盈，然而当钟柔美（Yumi）一走近时，身旁的姚焯菲（Chantel）被指秒速变脸，更露出疑似“鄙视、藐爆”的表情，随即引来网民热烈讨论，纷纷猜测成员之间是否心存芥蒂。

日前（16/7）身为师兄的何晋乐（Rock）出席无线皇牌处境剧《爱·回家之开心速递》的宣传活动。在接受《香港01》访问时，他被问及对这次 After Class 不和传闻的看法，随即大方为师妹们澄清，直言大家只是误会了。

睇过片段唔觉不和 Rock力证：佢哋帐篷后面不知几好倾

对于 Chantel 被指“变脸藐 Yumi”的几秒片段，何晋乐笑言自己也有看过，但认为网民实在过分敏感：“佢哋不和？我又唔觉㖞！佢哋其实喺帐篷后面都有一齐倾计。点样讲呢，如果你同一个 Friend 好熟，而你又唔知当时嘅 情况，可能画面得𠮶几秒，我都有睇到𠮶个片，但我唔觉得系有啲咩嘢。”

Rock 续指，成员之间感情要好，很多时举止眼神都只是女孩子之间的私人笑话：“我谂佢哋系一啲 Inside joke，或者佢哋本身喺停机前或者之前可能讲咗啲嘢呢，你哋唔知啫。”

成员感情无变 将合体开演唱会

被问到 Chantel 是否与 Windy 感情较好，因而冷落 Yumi，甚至以往曾传出因“去迪士尼乐园”等问题而产生分歧，Rock 则表示没有特别留意谁跟谁比较要好，并以自己与冼靖峰作例子，解释工作上有意见分歧是平常事：“最近系少见咗佢哋，但我觉得佢哋感情系无变过。同埋佢哋一阵间又可以开演唱会嘛，佢哋其实感情一定好稳定。我觉得人长大咗呢，可能对于艺术会有所执著。如果你话艺术上嘅分歧，我同 Archie 都会有啦！好似唱同一首歌，我觉得要咁样唱，佢觉得要第二样唱，可能有衰呢啲，但唔会去到会伤感情嘅层面。”