今年书展袁文杰推出一本《杰出阿仙奴》，分享自己跟阿仙奴“相爱”的历程。今日（18/7）袁文杰举行分享及签书会，有过百人参与，另有超过200人排队等签名，反应非常热烈。

讲到创作这本著作，过程非常赶急。袁文杰：“一来书商在5月底阿仙奴拎英超冠军后先决定出书，但要赶书展推出，然后《爱回家》煞科，‘潮伟’一角回归有不少戏份，又加上世界杯有准备功夫，所以时间好赶，最后决定放弃写，直接用语音方式创作，但这方法反而更能抒发个人情感，出来效果好好。”

一直有做直播讲波的袁文杰，近日开始有广告商垂青，问到可有信心全面转型？“唔会喇，我哋属于网络评述，唔专业，属于个人兴趣分享，所以冇谂住依靠佢揾食，亦冇呢个打算，事实上都唔足够。我会继续呢个兴趣分享，但最大心愿都系拍多啲剧拍多啲戏。”

除了世界杯，近日袁文杰亦对揭阳市虐狗片旺旺深表关注，一提及这事件袁文杰都脸色一沉。“呢单嘢真系⋯⋯”沉默了5、6秒，他续说：“我收到呢几条片一段时间，一直都唔敢睇，直至有一晚临瞓前睇，睇完成晚瞓唔著。”袁文杰觉得影片的虐杀过程非常残忍，但更可怕是几个小朋友毫无恻隐之心，眼见从中还得到快感。“你会谂到佢哋生活背景可能全部人都系咁，先会搞到几个𡃁仔唔去尊重生命。”

对于日后如何制止同类事情发生，袁文杰觉得立法是唯一方法。“如果唔去成立一个可施予重典嘅动物保护条例，呢啲事无论香港定其他地方都只会不断发生。做咗唔一定完全杜绝，但一定有阻吓作用。”

当然这段期间，都有人不停留言挑战他：“你唔食牛肉咩？你唔食猪肉咩？㓥杀前被困都好辛苦，系嘅，但我哋唔系去鼓励被歪曲嘅行凶手段，望到受折磨而感到开心嘅行为系令人齿冷。狗同猫是同人类较接近，稍为正常的人类都不会想睇到牠们受折磨，尤其咁有人性，只狗妈妈被人打到奄奄一息，都要行番去已死嘅狗BB身边，仲要佢被烧著时，一副无辜眼神，好似问紧：‘做咩呀？你做乜烧我？’你冇可能顶得顺。”

袁文杰觉得接触过这件事，大家心里都已经有个病，他自己都系一直未能释怀，希望透露不断呼吁提醒大家尊重生命。