陈欣健赞汪明荃不怒而威 笑言唔惊佢︰我哋冇拍过接吻戏又冇伸脷
陈欣健在今年书展推出半自传作品《我的风云往事》，昨日（18/7）在会展举行发布会，并请到好友许冠文及汪明荃，在发布会前见记者，随后问到阿姐可有兴趣，效法陈欣健推出自传，阿姐就表示未想过，亦冇打算爆圈中人的秘密，所以未有打算。
陈欣健在今年书展推出半自传作品《我的风云往事》，昨日（18/7）在会展举行发布会，并请到好友许冠文及汪明荃，在发布会前见记者。（叶志明 摄）
罗家英落败八和主席冇失望 汪明荃︰佢话仲好啦，唔使咁辛苦
早前，老公罗家英参加选举，争取做八和会馆主席，可惜无功而还，问到阿姐可有加以安慰？“佢冇嘢，佢话仲好啦，唔使咁辛苦，做八和主席都真系几辛苦。”而家英哥今年亦会出书，今日都会到书展做宣传。汪明荃︰“佢80岁出书，都系自传，由细讲起，内容都好丰富。”问到事前可有过目，内容上有否提及自己？“我谂多数都会写下我啩，我冇过目，唔知佢写乜，佢只系叫我去支持佢。”
老公罗家英早前参加选举，争取做八和会馆主席，可惜无功而还，问到阿姐可有加以安慰？“佢冇嘢，佢话仲好啦，唔使咁辛苦，做八和主席都真系几辛苦。”（叶志明 摄）
陈欣健笑言唔惊阿姐︰我哋冇拍过接吻戏又冇伸脷
此外，陈健欣都赞阿姐有种不怒而威的霸气，只要收起笑容已经好恶，更会令对方立即反思，是否自己做错事？问到陈欣健平时合作，会否都忌阿姐三分？陈欣健则笑说︰“佢又好尊敬我，因为好清楚我为人，我哋又冇拍过接吻戏，又唔会伸条脷出嚟。”记者笑指陈欣健都有留意近日这单新闻。“点可以唔留意呢？开头以为讲我呀！大佬！好彩我都冇乜拍剧。”陈欣健说。
陈欣健笑言唔惊阿姐︰“我哋冇拍过接吻戏又冇伸脷。”（叶志明 摄）
至于阿姐于上月，透露甲状腺出现问题，原来是虚惊一场，纯粹因食药份量出错，后来经调整份量已冇事。不过近日反而脚部有筋膜炎问题。“行起路来有点痛，有睇医生，我都觉得奇怪，自己又唔系运动员。可能有次做脚底按摩，按得太大力整伤。而家要做物理治疗，用冲击波做按摩。”