由岑金倩所著的罗家英（家英哥）自传《罗家英传——由舞台上的关公到镁光灯下的唐僧》近日推出，今日他现身书展出席“不负梨园：罗家英与香港粤剧传承之路”讲座，太太汪明荃（阿姐）亦有同行，但阿姐表示家英哥才是主角，未有一起受访，反而在一旁专心阅读家英哥自传，间中搭话及打情骂俏，例如问几章几节才讲到自己，实在十分恩爱。家英哥透露书中当然会有关于阿姐的内容，但可能“踩界”会被扭耳仔，被问阿姐看到时会否面红，家英哥幽默回应：“佢点会面红？佢面黑嘅啫！”谈到日前竞选八和会馆主席落败，由龙贯天当选，家英哥不讳言：“冇失望，不过对佢哋冇希望。”但他透露阿姐对他落选一事就反而开心，更对家英哥说：“你留返条命喺度。”

自传讲阿姐内容“踩界”不怕对方面红 笑言：佢面黑㗎啫

讲到对自传是否期待已久，家英哥笑言：“我觉得《罗家英传》好似一个演义咁样，大话多过乜，通常啲咩传咩传都系故仔，试吓讲吓罗家英嘅故仔，加盐加醋，有真有假，慢慢㗳真佢。（记者：几多成真？）我就话有九成真。”他剧透自传会有80年人生的高低起伏，并谓：“种种都系看透，值得品味吓，罗家英点解对粤剧不离不弃，佢对电影嘅睇法，佢对唱歌、婚姻、女人嘅睇法，呢本书都有。”而对阿姐的看法当然都有，并且是九成九真，家英哥说不能讲太多，因为有“踩界”内容怕被扭耳仔，叫他讲少少，家英哥便即场示爱：“我爱你！”问会否怕阿姐面红，家英哥更幽默回应：“佢？佢点会面红？佢面黑嘅啫！”

自传澄清“揼骨”传闻 爆经常被阿姐问：点解你仲唔去揼骨？

家英歌指书中没有透露如何追求阿姐，因为二人是互相追求：“唔系净系我追佢，又唔系净系佢追我，等大家了解我哋当年点样一齐，点解挨过几年拍拖终于结婚，到而家十几年，我哋夫妻之道系点样过、我哋生活系点过。大家话我哋AA制，乜嘢叫AA制 ？呢个系我哋罗汪嘅AA制。”至于有否澄清什么传闻，家英哥答得直接：“有呀！揼骨！唔使澄清，佢成日问我点解你仲唔去揼骨，话你好耐冇揼骨喇㖞，你话我哋系咪好有信任呢？”

与周星驰电影最成功 但私心最爱《女人．四十》

书中亦有分享家英哥拍电影的经历，他指电影占其人生1/3，尽管他1991年才开始拍戏，但无心插柳之下一拍就获得“最佳男配角”，被问有否有书中提到与“星爷”周星驰拍戏的相处秘闻，家英哥说：“同周星驰嘅嘢，我梗系话佢好嘢啦！佢真系好嘢㖞，如果冇周星驰就冇罗家英嘅喜剧，《Only U》、达闻西、或者冇太阳能电筒。”他坦言最成功的电影是《大话西游》，但其实自己私心最爱《女人．四十》。讲到星爷的《功夫女足》现正上昼，家英哥未睇，但表示将会去睇：“佢梗系好嘢，佢搞笑𠮶种功力冇人做得到，不过都可惜，佢用晒国内嘅演员，冇用香港。（记者：有少少香港演员。）佢得六师弟（林子聪）去做联合导演。（记者：有蔡思贝）我唔识。（记者：星爷好似话开续集，有冇兴趣？）唔系讲兴趣，佢揾我咪做。”

竞选八和主席失败冇失望 但对新一届理事“冇希望”：要加倍努力

谈到如何看待香港的新式粤剧，如江欣燕有份参与的《粤剧特朗普》，家英哥直言：“佢都唔系做大戏，佢搞娱乐咋嘛，佢借粤剧个名推行，其实同粤剧冇关系。（记者：觉得系好事还是坏事？）咁梗系好事！起码佢能够利用粤剧，令到有人去睇，证明粤剧有人去睇啰，亦都有人利用佢，我觉得冇所谓，我支持佢。”家英哥早前竞选新一届八和会馆主席，曾连任多届的太太汪明荃力撑，惟最终家英哥得329票未能跻身新一届理事，而龙贯天则凭402票取得连任。家英哥大方回应：“八和会馆我就输咗喇！冇所谓，心平气和，输咪输，等人哋做啰，人哋后生嘛。”至于会否失望，家英哥坦言：“冇失望，不过对佢哋冇希望。佢哋做唔做到乜嘢出嚟呢？我觉得要更加努力，加倍加倍努力。希望佢哋嘅能力加倍啲，合群合作多啲，咁就会做得更好。我唔能够话佢哋做得唔好，亦都唔好讲做唔做得到，佢哋会尽力，大家有眼睇。”

爆阿姐对落选感开心 家英哥：佢话你条命喺返度

家英哥对现时的理事名单，评价为“几好几好”、职位“唔错唔错”，冇抗拒亦冇惊喜，龙贯天日前对记者表示，自己私下曾对家英哥说“都系一个游戏、开心就得”，家英哥回应：“系，我哋大家讲，唔好咁认真，当玩吓就算，游戏嚟嘅啫，系呀，我系当游戏就算。”现时竞选失利，却赚到跟阿姐去旅行看世界的时光，因此家英哥笑说：“绝对系，最开心系佢！佢话你条命喺返度。”更称阿姐得悉他落选阴阴嘴笑。