艺人谢贤昨日（20日）惊爆离世消息，享年89岁。消息爆出后惊动整个娱乐圈，不少曾合作过的艺人及台前幕后纷纷发文以表怀念，而与他合作过剧集《赌城群英会》的马国明接受TVB访问时表示可惜。

马国明表示谢贤是好榜样

马国明忆述当时拍摄《赌城群英会》时“师徒情”：“其实我同四哥拍《赌城》嘅时候，其实佢年纪都好大㗎啦，都七十几八十㗎啦，我觉得佢拍戏嘅时候，佢好多嘢都系坚持自己做，即啲动作戏呢，其实佢都自己做返，即系𠮶个年纪㖞。有时系导演都惊，导演都问，其实替身做得㗎啦，四哥唔使你自己做㗎，但系四哥都系坚持自己做返。所以其实佢系我哋作为后辈嘅艺人，一个好好嘅榜样，所以一个咁好嘅前辈走咗系真系好可惜。”

谢贤风趣幽默

在马国明记忆中，谢贤除了是一个很好的榜样外，更记得他的风趣幽默：“我记得我同四哥拍《赌城》嘅时候，因为我同佢嘅戏份好多，因为佢系我师父嚟嘅戏入面，咁我觉得佢好风趣幽默，即系我哋好多时拍紧戏嘅时候，佢会讲好多佢以前拍粤语长片年代𠮶啲好笑得意嘅嘢俾我哋听，但当然有啲系唔出得街嘅，佢系会讲好多好多佢哋嘅经历畀我哋听。”

谢贤亲力亲为

马国明更指与谢贤拍剧时，他会亲力亲为，更表示他很勤力：“即系四哥咁嘅身份嚟到拍戏，咁其实大家都会真系好尊重佢，好迁就佢。但其实佢又唔使你迁就，即系好多嘢佢都自己做返哂，无论讲一啲好长嘅对白又好，甚至乎你要佢跳过一啲嘢，跟住喺地下碌过咁样。其实四哥都系坚持自己做返，所以对我嚟讲，一个咁好嘅前辈走咗真系好可惜。”