谭俊彦（Shaun）、陈晓华（Hera）、林秀怡、梁凯晴主持的《重症解密》昨日（20日）举行记者会，四位将在节目中化身“重症调查科”调查员，以侦缉案件形式调查重症，谭俊彦及陈晓华一同受访，讲到女方年初突然晕倒，会否都是对健康的一个警号，会加倍注意健康，她坦言：“绝对有呀，所有嘢都系命运安排，今年年头有啲唔舒服，跟住突然间有呢个节目拍。其实我好少拍节目，竟然有一个健康节目俾我拍，重新再返去一个以前读护理系会接触一啲医疗方面嘅嘢，嚟紧又拍新剧，需要嘅体能同埋健康系非常之高要求，所以我觉得所有嘢都好似命运安排，几好。”她透露近一个月朝九晚五拍摄，开工前又会跑步，收工就早瞓觉，觉得整个人状态都变好了，才知道生活习惯原来十分重要。

谭俊彦庆功下厨招待一众同事

Shaun在台上指几位女拍档让他“耳朵怀孕”，受访时笑言：“怀孕咗好几次，又冇咗好几次，系呀，啲女仔……其实系得一个，秀怡，喺依度都听到佢把声。”不过今次拍节目气氛很好，以前拍剧可能会分开食饭，但今次大家差不多每日都一齐食饭，庆功又去了他的餐厅，问到是否由Shaun亲自下厨，他说：“有，不嬲都loop紧我同佢（陈晓华）煮嘢食𠮶个片，佢好耐之前已经嚟过我度打工一日，我都话你今日嚟做食客就OK！”Hera就表示：“Shaun好照顾我哋，好招呼我哋，我成日都叫佢快啲坐低坐低，但佢又入去厨房帮手。”至于撚手菜，Shaun就说是牛扒，又自爆拍节目时当Hera是女儿般凑，准备了薯片、朱古力，但Hera因为keep fit，每次都跑走，结果Shaun就买鸡胸。

谭俊彦指狄龙验身报告靓仔过自己

早前父亲狄龙大哥出山拍戏，Shaun透露目前已经拍完，指爸爸有工作整个人都更精神、开心，讲到父亲即将80岁，拍完今次节目会否也觉得要多叮嘱他注意健康，他表示：“佢好好！佢俾报告我睇，佢仲靓仔过我！而家隔咗一代，我讲系冇咩用，而家好多时都系叫个孙讲，我交俾我个仔，佢哋开始沟通到。”他又透露父亲平时近乎与世隔绝，因为没有社交媒体，用电话主要都是看孙儿的照片，但Shaun觉得不倚赖社交媒体、不用理网民怎么说，也是优点。

谭俊彦开心十年来仍获TVB同事陪伴切蛋糕

活动上节目组安排了生日蛋糕帮Shaun、秀怡及凯晴三位“七月之星”庆生，问到7月30日生日的Shaun将如何度过，他直言其实几乎忘了生日：“其实我冇谂到，我自己都真系有啲唔记得咗，我净系记得我啱啱入TVB𠮶阵，又系咁样切蛋糕，好开心今年10年啦，我都仲有一个咁嘅机会可以同同事切蛋糕，𠮶时我就许愿，话希望年年都可以开工时候切蛋糕，到而家都灵验紧，希望继续落去都咁样同大家切蛋糕！”谈到大女早前小学毕业，即将升中一，这个暑假将如何度过，Shaun透露读IB小五升中是非常关键的时间，虽然不想太“虎爸”，但都要捉紧时间带女儿上西班牙文等暑期班，又说：“阿仔就……我同佢打空手道，而家习惯每朝佢会陪我打篮球，我就陪佢练拳，我觉得今个暑假系我同佢突飞猛进嘅，突然之间有样嘢交流咗，希望可以继续落去，因为大个啲就唔理我㗎喇，所以佢（Hera）咪成日话咩晕咗惊唔惊，我话最应该担心嘅就系你阿爸阿妈，你唔好俾佢哋担心。”

陈晓华解释“勇气”论：你哋误解咗我

日前何广沛透露婚礼将找Hera做兄弟，她笑说：“我以为佢一早宣布咗，都唔知佢原来未宣布，我仲周围同人哋讲，我而家系兄弟。其实佢喺访问入面有讲过我会有个表演环节，啱啱睇，好犀利，我讲嘢呀表演！阿广见证住我入嚟，好开头嘅剧都系同佢拍，佢到而家都仲拍紧，所以佢真系见证住我长大，我谂我都几感动嘅应该会。”至于回复单身后会否积极认识“兄弟”，Hera就说自己主力娱宾及搞气氛，日前她在社交媒体发文：“给所有需要勇气的人 有勇气地给予爱 有勇气地接受爱”被解读成单身宣言，她就解释：“你哋误解咗我！𠮶个有勇气接受爱系讲紧一啲慈善嘢，𠮶个慈善活动，咁啱我唱咗首歌系《勇气》，我就有勇气去俾爱大家，亦都希望大家有勇气比爱比身边人，因为慈善呢样嘢都系大家出一分力嘅，都有勇气。”

陈晓华被问有否追求者 谭俊彦爆反应迟钝：佢唔知㗎

问到是否已预备好接受新恋情，Hera表示：“我ready任何缘份，但系我而家嘅缘份主要都系工作，因为我嚟紧要开新剧，我自己用晒所有时间去睇剧本同埋去训练自己，因为新剧对我嘅体能要求好高，所以我自己都希望做好呢个工作先啰，所以我而家嘅时间都系摆咗喺新剧。”对于有否感觉到身边有追求者或有男士示好，Hera指没有特别多，但Shaun就说：“佢唔知㗎，真系喺隔篱暗恋好耐佢都……吓？真系㗎？（记者：你见证过？）因为我同佢好熟，我知道佢性格，大家知道大家性格系点。”Hera坦言：“我比较慢啲嘅，但系都冇所谓，缘份呢啲嘢唔紧要嘅。”Shaun就指缘份“要嚟就嚟”，冇得准备，但透露Hera有时会说：“死啦，点算，我30岁喇！”最后，问到前男友朱敏瀚在社交平台贴健身相，好友张振朗留言“冇晒啲衰气”，会否觉得意有所指，Hera就说：“冇睇过冇睇过，唔知呀。”