人称“朱翁”的资深演艺及传媒人朱维德于本月初（7月7日），在爱妻陪伴下安详离世，享寿96岁。丧礼今日（23日）于红磡万国殡仪馆举行，并无采用任何宗教仪式，同日出殡，礼毕后灵柩随即奉移火葬场火化，正式告别精彩一生。

赞朱翁用心做功课

资深电视人周梁淑怡前来送别昔日战友。周梁淑怡受访时透露，朱维德是她最初加入TVB担任编导时，最早合作的主持人之一。她回忆道，“当时我哋小组得五个人，佢（朱翁）系其中一位好主要嘅主持。”她表示，朱维德不仅教了大家许多知识，其工作态度更是令她们非常之感动。“因为我哋嘅经验无佢咁丰富，而且佢当时唔只系一个主持咁简单，所有我哋幕后需要为佢准备嘅嘢，佢都会参加一部分，而且佢系会好用心咁样做到最好。”

主持旅游节目引爆效应

周梁淑怡难忘当时团队制作的是一个名为《欢乐家庭》的杂志式节目，内容涵盖家庭各成员的需要，而朱维德则专攻旅游与本地景点介绍，期间发生一件小趣事，力证朱翁当年惊人的影响力：“我最记得一个小小嘅笑话啦，佢好多时都讲𠮶啲旅游节目，呢个系佢嘅专业知识，同埋佢系好研究，佢真系差不多香港每一个角落佢都知道嘅。佢当时喺个节目里边呢，就介绍一个景点，所有嘅观众其实个个礼拜都跟住佢，听佢呢啲嘢㗎啦。有一次佢介绍完个景点，竟然跟住有几千个观众就涌去𠮶个景点𠮶度，连人哋𠮶啲草地都踩死晒！所以我哋返嚟就成为佳话啦，就话佢根本实在个影响力系好大，同埋大家都好赏识佢所介绍香港嘅每一面。”

大赞口才了得动听　直言“香港人会永远怀念佢”

周梁淑怡大赞朱维德是很用心去研究每一个题材，所有讲稿都是自己去研究；而对香港的认识极深，可以说是“香港活字典”及“人肉地图”。她直言：“而且佢系讲得好动听㗎，旧时边度有咁多出去拍晒咁多嘢，佢都有，佢有硬照、有好多嘢，但净系听佢讲，大家已经够欣赏㗎啦。所以我相信香港好多好多嘅人系会永远都记得佢。”

被问到最后一次见朱维德是什么时候，周梁淑怡坦言已有一段时间：“都好耐下啦，因为佢有离开过香港，后来佢返嚟之后，当然无以前做咁多啦，因为年纪大咗。不过，我哋事实上系同佢感觉好亲近嘅。”