艺人林雅诗（Grace）昨日（23日）现身动漫电玩节活动，她接受《香港01》访问时透露早前情绪陷入低谷，更自爆患上情绪病。她坦言之前曾试过“闭关”5日：“跟住爆喊咗五日，加上都睇咗心理医生。”虽然她情况令人担心，幸好求医及服药后，目前情绪已经稳定不少。

生活中承受太多压力致情绪病

Grace在受访时直认患有情绪病：“所以最好就Keep住一路睇心理医生，同埋食啲药可以控制我嘅情绪。”被问到怎样控制这个情绪病时，她表示医生建议她多做运动及放松心情，但无奈生活中承受太多压力：“因为一来小朋友读紧书好担心佢啦，同埋好多其他工作上嘅嘢，积积埋埋就变咗压力喺我身上面。”她又对于令身边朋友担心感到不好意思，笑言：“不过佢哋都知我蒲返头，如果见报或者蒲返头都知我冇嘢㗎啦，安心㗎啦，都仲Alive㗎啦。”

遇诈骗电话态度坚决挂断对方然后封锁

早前Grace在社交平台透露工作上遇到诈骗电话骚扰，她表示自从公开事件后，相关的诈骗电话已减少了不少。现时若再接到类似的奇怪电话，她态度坚决，会选择直接挂断对方然后封锁：“我纯粹想揾份工作，真真正正做嘢，唔系古灵精怪𠮶啲奇怪嘢。（你已经知道大概𠮶啲系咩电话嚟？）经过咁多次已经知道啦，冇过中招啦！”

北上工作有护花使者

为了保障自身安全，Grace透露现时工作，特别是北上内地发展时，身边多了一位男士充当“护花使者”。她笑言自己普通话不佳，加上内地工作时常遇上过度热情的人：“咁如果有个男士喺身边帮手呢，咁起码就会好好多，即系安全啲。因为个啲人见到都会避一避，又唔可以话好乜嘢，但系会好多时都会系当经理人咁样问一问佢。睇下我或者有啲嘢要我做，但系我唔想做嘅𠮶个动作，咁样可能某一啲嘢，咁都会有个人喺到好多。”