资深演员梁珊早前因心脏病发突传噩耗，离世消息震撼娱乐圈。梁珊家属今日（24/7）于大围宝福纪念馆为其举行设灵告别式，现场气氛庄严肃穆，不少圈内好友与亲朋纷纷到场送别最后程。期间，梁珊的儿子王宇澄（Alex）接受《香港01》访问，分享了母亲生前的人生态度、对演艺事业的热爱，以及母子之间的温馨点滴。

告别式尊重意愿 中式仪式圆满人生

提及告别式的安排，王宇澄表示母亲生前并没有特定的宗教信仰，但仪式尊重各位亲友的意愿，同时采用传统中式仪式进行：“妈妈冇宗教嘅，但系亦都会根据返大家嘅意愿，有啲想上香、有啲不想上香，咁鞠躬都冇问题嘅。同埋会有啲好传统嘅中式仪式做返，我哋会有返啲中式仪式去纪念返阿珊姐。”

对于母亲突如其来的离去，王宇澄与家人虽感错愕，但选择以豁达的心态看待：“我哋觉得佢系去咗另一个旅行，因为都嚟得好突然，所以妈妈想有一个 Last Dance，畀返各位亲朋好友，当系一个最后嘅告别式。”

因心脏病突发离世 遗训两姊弟相亲相爱

谈到母亲生前的健康状况，王宇澄透露梁珊过去确实有心脏问题，但状况并不严重，没想到病情会突发变故：“佢因为心脏突然离去嘅。一直都有呢个问题，但系唔严重嘅，但𠮶日就系忽然间就走咗啦，我哋都好突然。”

他表示事发时自己与家人都在附近，有幸见到母亲最后一面。母亲临终前也亲口向他们交待遗言：“佢叫我哋好好咁两姊弟一齐过生活，佢都知道自己要离开。”

圆满演艺人生 留下经典代表作

梁珊入行数十年，曾在各大电视台参演多部脍炙人口的剧集。王宇澄坦言，母亲对自己的演艺生涯感到非常满足与圆满：“我谂佢人生都好圆满嘅啦，如果佢觉得有嘢未做嘅，我谂系佢好希望有一个真系代表到佢嘅作品。包括佢最后做嘅舞台剧，佢自己都好满意，呢个都系佢嘅代表作之一。”

当被问及母亲生前最满意哪些经典作品时，王宇澄感怀地说：“大家应该都知道，喺无线有几套戏佢好满意啦，观世音啦、四海一家啦，或者系喺亚视嘅某几套戏，最近做𠮶几个舞台剧佢都好满意，呢几个真系最能够代表到佢嘅心声。”

私下和蔼可亲　厨艺与旅游记忆永存

萤幕上的梁珊经常饰演性格坚毅、严厉的角色，但在王宇澄眼中，私下的母亲却完全是另一个样子：“佢好和蔼可亲嘅，另外两个样嚟嘅！佢喺做戏嘅途中，因为佢个样或者畀人嘅感觉性格系比较硬朗啲，但私底下一点都唔系。”

提及与母亲最难忘的回忆，王宇澄温暖地回忆起母亲对他厨艺的喜爱：“作为做仔最难忘嘅，就系佢有时会好钟意我煮啲嘢畀佢食。喺佢一啲纪念节日或者聚餐𠮶阵，佢好钟意食我整嘅海鲜或者中式菜式。”

除了家庭聚餐，梁珊晚年亦相当热衷与女儿旅游：“同阿妹就会钟意去一啲旅行，成日都会同佢去邮轮旅行，去美国、加拿大等地。所以今次嘅离开，我哋觉得佢只系去咗另一个旅行。”

王宇澄表示，母亲生前思想敏捷、生活活跃，社交圈子非常广泛，甚至不需要子女特别操心：“佢好活跃嘅，声如洪钟，又健步如飞，思想敏捷，所以我根本都唔需要去扶持佢或者点，佢有佢自己嘅生活。”