资深艺人梁珊早前因心脏病发离世，享年86岁。梁珊的家属于今日（24/7）在大围宝福纪念馆为其设灵，不少圈中好友及亲友均到场悼念。下午约5时许，艺人张宗德身穿黑色素服抵达灵堂，神色哀伤，随后接受《香港01》访问，大谈对梁珊（珊姐）离世的感受与遗憾。

出席仪式致哀　问候珊姐家人

张宗德表示，今日到场主要目的是顺利完成一般家属安排的仪式，并亲自向梁珊的家人表达关心与问候：“顺利顺利，即系对一般嘅家人要做嘅一啲仪式啦。其实……我叫珊姐做‘Auntie’，因为佢个女儿系我中学同学，所以我好细个𠮶阵已经知道Auntie系做呢一行。但我入行之后，就从来都未合作过。”

街头巧遇成最后见面　坦言“人一生就是这样”

谈到两人最后一次见面，张宗德回忆道，其实数年前在街上偶然碰面，当时大家还互相问候及约定聚会：“上次见我谂都系几年前，即系又系喺街撞到。跟住大家仲喺度话‘得闲饮茶’，即系每次都系咁样讲，但最终都……真系冇机会再见。”

被问到未能正式合作或聚会是否成为遗憾时，张宗德坦言：“我又觉得唔会系遗憾嘅，因为……人生都系咁样㗎啦。但系，主要今日我都系想嚟问候家人、问候佢屋家人。我觉得反而系……之后我哋要见多啲人，旧同学其实我哋可能十年先见一次。最近我自己学校100周年校庆，都见返好多同学，真系好多几十年冇见，我哋依家都开始去联络多啲，我觉得要珍惜眼前人。”

谈及珊姐生前的健康状况，张宗德透露以前见到她时身体一直相当不错，因此收到噩耗时感到十分震惊：“以前见到佢身体好好好！所以我都好突然，因为亦都唔系经常联络，所以一收到消息觉得好突然。”