一代影星谢贤（四哥）日前与世长辞，享年89岁。今日（24日）谭俊彦与陈炜出席“无线集团有限公司”正式更名发布会，接受《香港01》访问时忆起与四哥生前合作的点滴。二人曾与四哥于剧集《法证先锋IV》中结缘，对于前辈的离世，二人均感到相当惋惜。

巨星风范深入民心 铁骑皮褛成经典

谭俊彦在访问中表示，当年拍摄《法证先锋IV》时，四哥仍然非常精灵且帅气十足：“你每一次觉得望住四哥就系𠮶个巨星，即系𠮶种星味就会出咗嚟！”谭俊彦更分享了一段童年时与四哥相处的难忘回忆，他笑言四哥每次出席聚会都总会“型爆”登场：“佢应该好晏先嚟嘅，就著住皮褛咁，然之后就摆低头盔问：‘我架电单车摆喺出面啊，点啊？我系咪好型呀？’咁呢个真系令到我好深刻印象，所以其实真系潇洒同埋靓仔，我亦都觉得希望大家记得佢最靓仔最潇洒𠮶面。”

陈炜敬佩四哥敬业乐业

而陈炜亦对四哥的敬业乐业感到由衷敬佩，她忆述在《法证先锋IV》拍摄及宣传期间，四哥无论何时都将腰骨挺得笔直：“佢真系好潇洒，好有型咁，同埋永远都挺到条腰骨好直㗎！”陈炜曾好奇请教对方保持有型的秘诀，四哥直言全靠坚持运动：“佢话真系要运动！摆咗好多功夫落去，好值得我哋做艺人嘅学习，做后辈真系应该学习佢个咁敬业嘅态度。”

被问到四哥家人低调处理身后事，是否贯彻其潇洒作风时，谭俊彦体贴地表示应将空间交还给家属，并尊重他们的处理方式，认为只要四哥在大家心中留下美好的印象便已足够：“呢个应该我哋又唔系好方便去评论，呢个系交返畀佢屋企人。每一个人都要尊重佢哋自己嘅处理方法，咁我觉得就系总之佢哋屋企人，同埋观众或者大家留住一个好好嘅印象。”

谭俊彦望畀啲空间四哥家人

至于从小已经认识，谭俊彦被问到有否慰问过佢屋企人，他表示因为霆锋都忙：“同埋即系我觉得我哋呢啲年纪啦，其实生、离、死、别系点都要面对嘅一件事。畀啲空间佢哋啦，我觉得佢哋都即系咁大。个人亦都识得点样处理自己，就无论家庭又好，Fans又好。因为始终成家都系公众人物，咁每一家嘅处理方法都唔同，咁都应该畀返啲空间去尊重佢哋嘅处理方法。”

孖马国明美国开骚

此外，二人亦透露即将联与“跳唱男神”马国明飞往美国登台，目前正积极拣歌及排练，期望将最好的状态带给海外观众：“始终，美加嘅地方好少可去同𠮶边嘅Fans去见面，今次系一个好开心嘅方式，同大家一齐可以度过一个好愉快嘅夜晚。”