近日有网民在社交平台Threads上公开发文，指控一名娱圈男主持工作“$1糟”与其家姐合作做司仪时态度欠佳，力数四宗罪，包括唔拒准备cue卡并指用电话睇稿就可以、坐在一旁煲剧、迟大到、冇礼貌等，批评他毫无专业操守。原来这名出post者便是歌手钟雨璇弟弟，被他指控的则是“一蚊Joe”游莨维，一蚊Joe在社交平台贴出rundown还击，不过之后钟雨璇经理人都出post指“火都嚟”，强调“一蚊Joe”确实迟过原定时间到场，列出七宗罪并大爆：“点止四宗罪！系七宗罪！”

钟雨璇致歉称控制唔到家人 细佬不满家姐“笠水”

事件最初是钟雨璇弟弟于网上发文爆料，力数一蚊Joe与钟雨璇担任司仪时的四宗罪，批评其工作态度：“完全冇礼貌、亦都毫无专业可言。”、“作为一个有一定知名度嘅人，基本责任同态度都做唔到，实在令人失望。”不过事后钟雨璇却公开致歉，指：“对于屋企人嘅行为，我真系控制唔到。其实返屋企只系分享下，冇谂住会发展到公开上网。”结果细佬却贴出姊弟对话，继续为事件发声，并不满家姐“笠水”，但强调：“我唔系艺人，我只系屋企人身份，但系俾人恰到上心口，仲要笠水扮鹌鹑🥲🥲返来唔开心 差唔多要喊 我先讲出来。”

一蚊Joe贴Rundown澄清冇迟到煲剧 遭钟雨璇细佬反驳

此外，一蚊Joe则贴出当日Rundown还击，圈出活动时间为“下午七时正”，而司仪现场彩排为“15:30-16:30”，他澄清：“如果我迟大到，我仲可以煲到剧？或 如果我煲到剧，即系我冇迟到？（同埋熟识我嘅，都知我唔睇剧！）”虽然留言栏不少人都表示一蚊Joe之前做司仪的表现专业，但钟雨璇细佬就再回应：“大佬 呢个时间系彩排 唔系仲帮你黐紧d司仪稿 仲要自己个份 翘埋双手要人地帮你整😅🙃讲到底都系态度差 冇礼貌问题 迟到唔系你七点前到咗就唔系迟到 好多开show前期野要准备 完全荒谬！！”

钟雨璇经理人加入战团指“火都嚟” 指亲眼目击现场“瞌眼瞓”

而除了钟雨璇细佬外，就连钟雨璇经理人都发声力撑钟雨璇细佬，指：“真系火都嚟😮‍💨你个一蚊Joe 仲要出post话我屈你煲剧！就算你唔系煲剧都好，你都系坐响出边张台打开个电话睇，要我同我艺人两个人帮你贴‘你份Q卡’， 群组讲咗一齐贴，你有冇入嚟帮过手？ 你点止四宗罪啊！我依家就公开讲晒你啲嘢出嚟。”她指一蚊Joe实质上不止四宗罪，而是七宗，先是挂住睇电话唔帮手，要钟雨璇及其经理人帮手贴cue care：“你点止煲剧，我亲眼坐喺台度见到你‘瞌眼瞓’，呢个唔好话我屈你！”而即使二人帮手贴完，一蚊Joe没有讲“唔该”，而是“Oh my god”，经理人认为很没礼貌：“呢句说话代表乜嘢意思呢？我想现场即刻闹你呀！我俾面我艺人咋！”

经理人列七宗罪 爆开骚前临场提出缺席会议“求你先肯嚟”

第三宗罪是不参与跟礼仪小姐会议，“翘埋双手扮大牌坐响长台，继续睇电话！真系去到Rehearsal先至参与下！”此外，经理人称钟雨璇说大家在show前原本约了开会，但一蚊Joe却十分“大牌”，在会议前数小时表示不想去：“之后人哋求你帮帮手先至肯嚟”至于用电话睇稿一点，经理人就说：“你之前有个慈善show，都舐过嘢啦！用电话用到唔知份稿飞咗去边！经一事！蔡一智！呢个道理你都唔明？”

经理人坚称一蚊Joe迟到 狠批：咁大牌，唔好扮无辜

而第六宗罪则是一蚊Joe曾驳斥的迟到问题，钟雨璇经理人表示：“本身我艺人话𠮶日要三点到㗎，系个客好，唔使你哋两个咁早到，转左3:30至4:00到达就得，但系真心, 你明知Rehearsal时间系3:30至4:30 ，你真心过咗3:30都未嚟！你明知嚟到要整Q卡都要时间，你系咪应该都早少少嚟帮手呢，唔系去到差唔多四点先嚟！因为帮你贴Q卡，成个Rehearsal推迟咗好多！(作为专业嘅你，系咪应该早15分钟到啊？一啲都唔专业！！）”最后一宗罪是不熟习司仪稿，经理人指一蚊Joe读资料是不顺畅，最后她补充：“明明自己唔专业，仲出post 唔好话我屈佢，唔好扮无辜，一$糟咁大牌！呢d人系要教训下，点止四宗罪！系七宗罪！本身都唔想讲，但依家d人痴线到话系我艺人有问题？麻烦还我艺人一个清白！”