资深艺人林漪娸早前接受电台节目访问时，大爆当年拍摄无线剧集时的陈年往事。她指控当年与戴志伟拍摄一场接吻戏时，对方竟无故“加料”伸脷突袭，直言当时感觉被对方“虾𡃁妹”。事件随即引发热议，戴志伟其后亦曾在访问中大声疾呼喊冤，指接吻过程仅得数秒，强烈否认指控。日前林漪娸现身观塘出席剧集宣传活动，被问到讲完该番言论后，戴志伟有没有私下联络或找她“算帐”时，她接受《香港01》亲自交代了对方的最新反应与状况。

表明纯粹开玩笑 澄清非有意攻击

林漪娸透露自上次电台访问公开后，至今仍未有机会与戴志伟面会。她笑言：“天气太热喇，所以都冇打波，大家都未见过面。”她表示自己心态坦荡，认为双方早有默契：“冇㖞！我一直都未见到佢呀，因为天气太热喇，所以都冇打波。但我觉得冇嘢嘅，大家有共识知道咩事。”

对于有传闻指戴志伟得知事件后表现得相当不满、甚至“嬲爆爆”，林漪娸则表示自己并不清楚对方的真实情绪：“我又唔知㖞，因为我又未见过佢。其实个访问出咗之后，𠮶阵时未发到咁大Noise，我有发个音讯畀佢㗎！我话：‘唔好意思啊，我喺个节目度大家喺度听歌，倾偈口快快，爆咗你单嘢出来！你听下啦，你听咗就知纯粹系讲笑，唔系话要攻击佢或者话佢个人唔好。’”

大赞对方Gentleman 打算请饮解误会

林漪娸强调，当年这段小插曲并未有对她造成心理阴影，自己亦早已放松心态。她坦言当时只是顺著话题提到初恋与旧事，一时口快分享出来，并非要记恨多年：“大家都系一班好熟嘅朋友，听歌倾偈有时会口快快讲咗。其实每个人出发点唔同，我系唔应该口快快讲咗出来，会影响到佢，佢唔舒服我都理解。但我同佢系同一个艺员高尔夫球会，佢本身个人真系好Gentleman㗎！有时打波佢本来唔打算驾车，但知道要接埋我同其他朋友，佢会特登驾车接送。”

被问到对方收到讯息后有何回复，林漪娸笑言戴志伟当时可能根本冇睇：“佢有回复嘅，但可能佢回𠮶阵时都未听！下次如果喺高尔夫球会见到佢，我请佢饮嘢啦！咁大个人，大家知道咗就 OK 啦。”