余宗遥（DEZ）、云浩影（Cloud）及曾比特（Mike）昨日（27日）现身保良局参与《SHINE ON! 保良慈善演唱会》歌手义工探访活动，与小朋友玩游戏。Cloud大赞小朋友唱得，因为他们自组了乐队演唱《真的爱你》和《海阔天空》，使她十分佩服。谈到过往做义工的经验，她曾去特殊学校教小朋友，直言：“好钟意佢哋好天真好纯粹𠮶个样子，有时会remind我，呢个世界可以有几美好。”而DEZ近日就去了卖旗，自言爱把卖旗视为社会实验，问到有何结果，他说：“我发现原来男仔系比较难啲买旗。”而阿Cloud就说：“我都试过买旗，但系我发现𠮶样嘢就系，只要你同佢对到眼，佢就会买！”

八月挑战红馆四面台心情紧张 DEZ遇同门师兄Mike：永远照住我

三位之后都会参加8月14日于红馆举行的《SHINE ON! 保良慈善演唱会》，问到筹备情况，Mike表示努力中，虽然已多次参加保良局的演出，但还是首次上红馆，他坦言：“唔多唔少都有啲紧张，但我觉得系一个好好嘅体验，做四面台同大家一齐，系好好嘅direct嘅能量嘅交换，我觉得好开心。”Cloud也是首次一个人挑战四面台，所以觉得十分兴奋，希望陆续有来，而DEZ就表示不论红馆或四面台都是第一次：“对我嚟讲就好似上京考武状元，‘武’就系跳舞，最近小弟都系SURFIVE成员其中一个，然后……‘文’方面就要唱歌，寻日都自己出紧啲编曲，因为都想第一次四面台𠮶个舞台上，自己储返个音乐，就成件事会贯通啲，而家辛苦啲喺编曲上面自己执紧。”DEZ与Mike昔日是同门师兄弟，今日再度碰头，Mike说最开心是大家找到自己方向，走自己要走的路，DEZ则表示：“Mike师兄永远照住我，冇得讲！一日师兄，一世师兄！”

Mike拍MV被途人误认日本人赞靓仔 相识多年Cloud力证冇整容

Mike近日推出新歌《你所打的号码暂时未能接通》，找来新加盟公司的师妹黎纭蔚（Vivian）担任女主角，二人于电梯中有一幕是Vivian要拉Mike到她面前做出类似快将接吻的动作，怎料其中一take䢂门突然应声打开，䢂门外站着两个途人，场面尴尬，最搞笑是途人们全程冇停过口，其中一人望着Mike猛话：“哗！你好靓仔㖞！系咪日本人呀？”Mike在访问中笑言：“呢个体验唔系成日会有，喺室外地方遇到一个陌生人赞我靓仔，我觉得都几心花怒放。”此时15岁就在校际歌唱比赛认识Mike的Cloud，表示要为他平反：“我见到网上有人话佢整容！我就想为佢澄清，我好细个识佢，佢已经系呢个样，当时当然多啲骨胶原⋯⋯（记者：而家冇喇？）而家有嘅，但系而家大只咗，啲骨胶原去咗肌肉度！佢不嬲都靓仔！”至于Mike对当时少女Cloud的印象如何，他指是好靓，犹记得当时她戴眼镜和箍牙，直至毕业都冇除牙套，“入行再见返嘅时候，大家都知女大十八变，好靓，有仙气。”

跟新师妹Vivian拍MV感害羞 Cloud指要跳舞更尴尬

Mike与Vivian拍MV时才刚认识，因此要靠近都有几分害羞，他坦言：“所以个镜头成日都有少少唔自然，唔知望边，亦都啱啱认识，有少少尴尬，可能比较唔熟嘅人，我就偏向唔系好自然，如果女主角系阿Cloud，就唔同。”此外，Cloud近日亦推出新歌《我想和你虚度光阴》，她说拍MV时最紧张的是要跳舞：“好希望可以喺镜头面前呈现到排好咗嘅舞步，我自己其实有少少尴尬，但系因为佢系一个专业嘅演员，佢就唔系好尴尬，有个系要咁样揽住我，我就有啲……”