麦玲玲师傅担正女主角的短剧《失忆大师》早前已经开镜，《香港01》日前获得探班机会，原来短剧还有玲玲师傅的好拍档农夫客串，他们加上胡鸿钧一起接受访问，主题竟然圈绕林盛斌阿Bob狂加戏。

阿Bob“要求多多”

麦玲玲指今次阿Bob虽然只是客串，但却“要求多多”，“阿Bob一嚟到呢，就要自己重新搞一个形象，明明冇须又要有须，明明冇头发，又要痴假发，好彩最后痴唔到。”除了造型上花尽心思，阿Bob更直接动手改剧本，麦玲玲无奈笑称：“然后佢跟住话：‘唔系呢，个剧本要改㖞。’好彩佢唔识字咋，佢就口改啰，咁都优化咗嘅。”

麦玲玲为艺术而付出

讲到阿Bob在剧中究竟改了甚么内容，原来竟然加感情线。麦玲玲笑称，阿Bob在剧中与她饰演的失忆角色有感情发展，但这段戏让她哭笑不得：“佢将所有嘢都改到同感情有关㗎，佢每次见到我呢就谂起，佢成日都话：‘哎呀，如果你后生几年，哎呀如果我早啲遇你，咁就好啦’，但系都系废话啦！”至于具体加咗咩情节？玲玲师傅说：“揽呀𠮶啲呢，之后无啦啦喺你后面出现熊抱，𠮶啲……就假嘅。”C君听闻后也忍不住说：“真系为艺术而……付出，你呀。”

大赞阿Bob对剧本十分著紧

虽然口头上笑阿Bob改剧本，但玲玲师傅随后亦帮忙澄清，坦言对方其实极具专业精神，只是一心想把效果做得更好。她大赞阿Bob对剧本十分著紧：“佢真系一个好认真嘅演员，因为剧本畀咗佢之后呢，佢好早已经开始睇……一路上嚟就一路话：‘喂你个剧本呢度又唔得？𠮶度又唔得’，系都要我改。”她更开玩笑指阿Bob有做导演和编剧的天份：“我谂佢都好钟意试下做导演、试下做编剧呀，你知佢个人好上进㗎嘛。”

麦玲玲看好广东话短剧

除了揭露阿Bob的改剧本趣事外，麦玲玲对于今次参与短剧亦有深刻感受。她坦言电影业正值寒冬且投资庞大，相比之下短剧门槛较低，非常看好广东话短剧的发展前景：“我自己觉得广东话嘅短剧市场，未来其实呢一个广东话嘅短剧市场呢，都系有得发展嘅。大家熟悉嘅人，譬如一齐去谂一啲好嘅剧本呀，因为电影又寒冬，同埋电影嘅投资好大啦，咁短剧系个门槛会低啲。”

玲玲师傅很有心希望未来能继续参与甚至自资拍摄：“成日我自己都好希望系有啲好嘅剧本去拍、去参与又好，自己投资一下又好嘅。”她更透露短剧将会在红果平台播放。

至于农夫除了今次客串短剧，接著下来会与张继聪开骚《人夫集团》，即将会举行记者会，到时会详细公布。而玲玲师傅已经立下口头承诺，会场场都买飞。而胡鸿钧未来继续会去不同地方开骚。