现年73岁、有“靓声王”之称的张伟文近年健康状况欠佳，需入住护老院接受照顾。然而，其监护人兼好友方俊早前于社交平台发文，严正指控张伟文所入住的护老院涉嫌疏忽照顾，不仅隐瞒其压疮病情，更导致伤口严重感染及恶化。张伟文近日因脚部红肿溃烂及发炎，已被紧急送往医院接受治疗。

指控护老院隐瞒病情 伤口感染出现抗药性

方俊于社交平台上公开致护老院的信件，直指院方于去年初已发现张伟文患上压疮，却一直隐瞒病情，直至伤口恶化至不受控制的阶段才通知家属。由于护理不善，张伟文的伤口频频出现严重感染并引致发烧，病情一度极为严峻。

此外，方俊亦指控院方以“伤口不能沾水”为由，令张伟文长达一年半时间无法正常落床及洗澡，对其身心造成巨大创伤。方俊表示已向香港社会福利署及个人资料私隐专员公署作出正式投诉，并由今年5月起停止向院方缴付相关费用，不排除采取进一步法律行动。

方俊透露最新情况：伤口剧痛 令人心酸

方俊接受《香港01》访问，透露了张伟文送院后的最新病况及日常照顾的艰辛：“其实佢个压疮根本就已经比最差𠮶阵好返一半啦，啲肉已经生返好多、起码唔见骨啦。但系压疮呢样嘢冇药可以即刻医好，一定系靠佢自己啲肉生返。点样先可以生得快？当然要补足蛋白质啦，所以我煲鱼汤畀佢饮，又要照灯保持干爽，咁先会生得快，唔好再有渗水、渗液。”

方俊指出佢今次入医院，全因双腿出现红肿，皮肤溃烂严重关系要急需治疗：“脚𠮶度红肿得好厉害，仲有啲疮口、少少烂。我因为呢件事问过护老院，佢哋都答唔出咩事。过咗几日，等外展医生上嚟睇完，医生都觉得要即刻送佢入急症室。点知入到急症室要等咗成24小时先上到病房！医生话佢只脚系严重发炎，要打抗生素，其实都冇咩特别医治嘅方法。”

注意：以下图片可能令人不安！！

方俊痛心表示：“你知啦，压疮我都有讲过系冇得医，加上佢咁大个伤口，有时要拉高张床到45度畀佢食嘢，就一定会磨擦到个伤口，咁一定会痛。有时我自己整亲少少都痛啦，何况咁大个伤口？”

方俊百般无奈表示：“痛同难受一定有㗎啦，所以佢有时都会喊痛、叫得好厉害。最可惜嘅系，我哋身边人真系帮唔到啲咩，痛要佢自己受。我哋唯一可以做嘅，就系煲吓汤、买啲嘢食畀佢，同埋有事就带佢睇医生。只能够做到咁多，其他嘢……外人真系帮唔到，真系有心无力，好无奈。”