陆永今日（1/8）现身九龙塘，出席《人夫集团》的记者招待会。对于近日有传闻指他特地聘请风水师协助寻找“生仔屋”，希望借此风水屋“旺丁旺财”、再添一子，陆永在现场受访时大方回应，亲自辟谣并大开玩笑。

陆永澄清绝无“生仔”打算：真系完全冇！

对于有传要寻找“生仔屋”而惹起热议，陆永笑言：“吓？我仲要生仔？完全冇！真系完全冇！认识我都知，我点会啦？仲想生？仲要生个仔？”他直言自己从未考虑过要添个儿子：“要生，真系唔系话太想生仔，从来都系想要女，好彩两个女都够晒啦，唔使啦，都十几岁啦！无端端生个仔做乜鬼嘢啊？（可以生个仔畀两女帮手照顾！）生个仔出来畀两个女儿照顾？养佢，再找两个女儿帮佢照顾？哗！咁大成本！冇呀！冇呀！”

陆永坦承一直在睇楼　澄清非“一亿豪宅”

虽然否认了“生仔”传闻，但陆永承认自己近期确实一直在寻觅新居：“都未买到呀，其实一直都有睇紧，系咁睇楼啰之前。”面对有传闻指他目标锁定价值上亿元的豪宅，陆永连忙摇头澄清，笑称自己无力负担：“一亿？咁抵得谂啊！我自己谂紧，你哋吹到咁大！一亿几𠮶啲，讲返实话，𠮶个……唔会啦，豪咩宅吖，我系睇紧啲偏远啲嘅郊区楼，𠮶啲楼多数会大啲，感觉大，但好偏僻嘅，唔会系咩一亿豪宅，冇可能！”