早前江美仪在叶念琛访谈节目《琛导Casting》中，讲到有一位港姐不懂揸筷子，坦言新一代艺人、演员被纵坏大，提到新人唔识揸筷子，若需要演出很有家教、教养的角色，没理由不懂得揸筷子。她续说：“成日见到人唔识揸筷子，我会话喂你学识揸筷子啦，好肉酸㗎！”美仪姐当时其实并不是狠批，道出情况下都有赞该名港姐好乖，她说：“佢食嘢核突到呢……冇！我话喂，你香港小姐嚟㗎㖞，你可唔可以学吓揸筷子？呀呢个女仔好乖㖞，佢三日同我学识咗揸筷子，我话系啰，三日就可以改变你嘅习惯，点解你唔做呢？”

王敏慈曾写亲笔信答谢江美仪照顾教导

而该名事主其实就是《大湾区美味好玩攻略》合作过的港姐亚军王敏慈，虽然有人以为美仪姐是“教训”后辈，但其实从王敏慈就亲笔撰写给江美仪的感谢信，已感觉得到二人关系不错，而且她是抱虚心心态学习。信中写道：“美仪姐～感谢这几天来你对我的照顾和关心！刚刚开始还会担心自己要和大明星一起拍东西，但是相处下来，发现你真的是一个对人很好，敬业又美丽的大姐姐！你这几天真的像照顾小朋友那样对我！我真的没想到自己二十多年都不会拿的筷子居然学会了！在你的身上我真的学到了很多东西❤️我会断续努力，希望有一天也成为像你一样闪闪发光的人❤️ 敏慈❤️”

节目片段曝光 王敏慈亲证江美仪冇虾新人

近日更多节目片段被回带后，网上风向转为大赞江美仪，其中一段片见到麦包叫王敏慈用筷子夹食物，当时王敏慈已经学识，美仪鼓励说：“佢好叻喇！第三日已经识喇！”然后麦包也表示要为王敏慈鼓掌，王敏慈说：“其实都识攞（筷子），但系攞得唔好睇，然后美仪姐就睇到，佢讲你拍节目唔得咁攞筷子，然后呢几日都系教紧我点样攞筷子，而家就系……唔系讲好Perfect，但系而家攞筷子唔丑喇。”麦包笑说传闻中美仪很爱欺负新人，原来是真的，王敏慈就平反：“唔系啵，边度有？”

王敏慈多谢江美仪讲到喊 揽住对方：日日好似凑细路咁凑我

之后另一段节目片中，王敏慈再次多谢江美仪和麦包对她的指导：“系好犀利嘅前辈，你哋好Nice，同埋美仪姐都教咗我好多好多嘢，譬如话筷子。（麦包：呢个真系最大成就！）呢个真系。同埋我啱啱开始唔够胆讲嘢，但系包哥哥同美仪姐就同我讲要多讲嘢，讲错咗都冇事，所以都俾咗自信心，因为我其实自己会好惊……”而讲到此时王敏慈已忍不住眼泪，吓亲江美仪，之后王敏慈揽住江美仪，并说：“美仪姐真系日日都系好似凑细路仔咁凑住我！我觉得自己真系好Lucky，好幸运！第一次就跟到咁好嘅前辈！”而江美仪还帮她抹眼泪，说她是“傻妹”。

网民大赞江美仪为后辈著想不怕做丑人

片段曝光后，网民都认为江美仪是一位很好的前辈，留言：“其实讲真江美仪可以由得王敏慈继续唔识揸，但佢肯做丑人去教。教训人都会尴尬，都有可能俾人唱，而且学好就毕生受用，尤其佢以后仲会一直出镜。一个肯教，一个肯学返好，成件都系好事。”、“讲真江美仪个人系好直接，但系佢唔系乱嚟，亦都唔系害人反而系坏人好，只不过有啲人钟意断章取义认为人哋老屎窟就喺度教人。😳😳”、“江美仪好好啰！咁多年都重睇唔出佢人品？咁啲人选择性盲啫”、“江真系塞钱入佢袋。之前喺threads见江小姐sponsor鲜鱼行学校好多年，唔觉佢系坏人！”而江美仪都见到大家的赞赏，回复：“多谢你哋！明就明，唔明就唔明！❤️”当有网民表示要推举她为“认真揸筷子关注组”会长时，美仪更笑回：“你系笑我定赞我㗎😅”另外有人赞美仪姐肯帮助新人很好，美仪姐都有赞王敏慈很好、很乖。

上《奖门人》多次表现对后辈爱护 网民：细节见人品

此外，也有更多美仪玩《奖门人》的片段，当时波波（黄婧灵）乌低身险走光，而林敏骢就“昅嘢”，美仪即将他推开，叫他：“你唔好装人！人哋穿紧崩！”还叫波波拉好衣服；见到罗毓仪食辣时，又叫她饮啖水等等，网民都认为“细节见人品”，对美仪姐常常被误解感不值。