ViuTV剧集《日落下的彩虹》由卢乐榕、黄天城作为编剧，刘伟恒执导，讲述彩虹邨清拆前，众街坊发生的故事。最新一集讲到身为家中次女的周家怡，在外人看来是“老姑婆”，但一直仆心仆命撑起头家、照顾年迈母亲吴浣仪，然而一早搬走的大哥强尼却因充大头鬼投资失利，回来氹母亲畀钱填氹；不事生产的细佬“肥仔”梁业则被女友樊沛珈迷惑，想用彩虹邨单位换居屋结婚。夹在中间的吴浣仪重男轻女，结果打算畀钱强尼及畀楼肥仔，终逼得周家怡失望与家人摊牌。网民洗版留言赞周家怡的演出具感染力，指其演出把对家人失望之情层层递进，而周家怡也撰文道谢，指自己见到大家支持开心到喊：“其实能够用生命去演戏，我真系觉得好幸福㗎，我只系希望每一次做嘅角色都能够真心感受个角色，因为我觉得佢系有生命㗎，所以唔想愧对佢。”

摊牌戏层层递进演绎失望之情　周家怡吴浣仪获封MVP

摊牌戏获观众大赞，指吴浣仪与周家怡是MVP，老戏骨吴浣仪自然而然的演技当然无可挑剔，每一幕的情绪都恰到好处；而家怡一轮嘴摊牌的戏码，没有爆喊大崩溃，而是层层递进地演出对家人的失望，声线抖震、强忍眼泪，使观众彻底体会到她多年来为同住的母亲和细佬畀屋租、水电煤、灯油火蜡、装修家私和母亲的医药费，不求回报照顾家人，却因为硬朗、搞得掂，结果竟令母亲想牺牲她成全兄与弟，美其名是不想女儿再照顾自己；实质是想她搬走，让出单位予细佬。

周家怡本来都忍口，但当听到母亲竟哭著说：“阿女，大家一家人，做咩计得咁清楚？”这句难听到粗口的话，家怡终于失望透顶，连立遗嘱都讲出口，对母亲说：“我觉得你最好写清楚点样分配啦，因为我唔想将来呢，佢哋又来喺度争餐死，你知贪起上嚟真系咩都做得出嘅，我真系唔想烦喇，我觉得你做阿妈嘅，呢啲嘢你应该要提前处理。”

网民共鸣指演活“做女”心声　激赞演技：欠一套女主角

观众留言：“佢把声一路讲一路震，好激动好嬲，但又要忍住俾自己清晰咁表达，亦都好委屈好伤心屋企人咁对自己，但又要hold住唔想俾自己喊出嚟，依吓真系会觉得好感同身受，睇到眼湿湿🥲”、“超正，成个情绪俾家怡带动，跟住佢一齐喊”、“完全冇前文后理咁睇 都俾周家怡带到入戏 好劲抽嘅演技”、“已经唔似演紧戏，根本就系有个导演，唔知点解摆个cam系彩虹邨呢间单位一家人喺度嗌紧交！”、“佢其实欠一套电影女主角。”、“依场周家怡.有d似大时代方展博闹贱婆婆𠮶场。”、“佢个个角色都有唔同演绎方法，同埋最重要嘅系，你唔会觉得佢演紧戏，佢就系果（𠮶）个角色。”、“由<绿豆>至今，佢永远唔会令人失望，演八婆、差婆、妹仔、医生、师奶，全部手到拿来”、“个角色系好多做‘女’嘅心声，特别系冇结婚一直支持紧屋企嘅女”

家怡睇留言感动落泪 直言能以生命演戏好幸福

面对网民一面倒称赞演技，周家怡也发文感谢，更透露自己开心到喊：“今朝一起身见到洗版留言话钟意睇《日落下的彩虹》同支持我嘅留言，我喊咗出嚟，真系好感动。其实能够用生命去演戏，我真系觉得好幸福㗎，我只系希望每一次做嘅角色都能够真心感受个角色，因为我觉得佢系有生命㗎，所以唔想愧对佢，同埋我真心希望每一个嘅演出都能够得到多啲人睇到，因为呢个系我哋每一个剧集同电影嘅团队最希望嘅结果。拍戏从来都唔系一个人嘅事，系所有台前幕后共同去创造出嚟，所以真系好热血㗎🥹。再次多谢大家，你哋好衰㗎，我真系好感动呀，我真系好钟意演戏㗎💖🙏🏻”这个帖文短短数小时已有过万人赞好，导演刘伟恒都赞：“从来都对你有信心🙌”；“大哥”强尼留言：“唔使讲嘢，揽吓先🫂见到咁多人识货👍🏽戥你超级超级开心👏🏽”；“细佬”肥仔则笑说：“周家怡系一定要支持 我由你跳舞到做宫女既时候已经支持你🔥👊🏼💪🏼”