昨日（3日）《东张西望》报道了一宗“骨场技师诈骗沉船男”事件，苦主钟先生与22岁女技师沈小姐在结识于有提供性服务的spa场，二人发生肉体和感情关系，然而女方问他借了128万便失踪，于是他向《东张》控诉。不过女技师就向《东张》表示自己都是苦主，透露被补习老师及背后邪教组织操纵多年，惊揭案中案。今集（4日）节目就继续跟进情况，技师指自己自13岁就被补习老师林小姐洗脑，对方以邪教不断洗女仔脑，“预言”她条命会好差、手脚伤残有性病、会早死等，要她以巨款做“植入”仪式化解：“组织话每一个人都可以生产一种蛋白质，𠮶啲蛋白质可以有唔同嘅用处，你攞到呢种蛋白质就会聪明啲。”于是女生们只可以靠卖淫和呃人赚钱“改名”。技师沈小姐直至近日终于发觉林小姐有古怪，因为对方叫她夹份买楼，她付出了接近200万首付、印花税、律师费、管理费，才发现单位冇自己名，只有林小姐一人名字。而就住以邪教名义操纵少女卖淫并从中敛财等指控，《东张》就与补习老师林小姐对质！

技师沈小姐坦承后悔被补习老师林小姐操控多年，透露2014年就读中一时去补习而认识林小姐，当对方朋友：“我13岁左右，识咗佢，做朋友，佢𠮶时就系23岁左右，慢慢由老师变咗身边最close嘅friend，我直头当佢亲家姐一样，我会宁愿听林小姐讲嘢，都唔会听屋企人讲嘢，佢喺我好细个𠮶阵同我讲话‘你条命生得好衰’，可能有病，话我会早死。”林小姐说只要加入组织就会越来越好，技师续说：“佢会将呢个邪教包装到系好多人，三个人为一team，林小姐自称系呢一team嘅leader，个组织就系用IG同我沟通，话每一个人都可以生产一种蛋白质，𠮶啲蛋白质可以有唔同嘅用处，你攞到呢种蛋白质就会聪明啲。”而要“植入”这种蛋白质，当然就是要钱！不过虽然林小姐讲到组织背后有很多人，但《东张》用电话号码搜寻，发现不同IG账户都是由林小姐开设。

技师沈小姐指林小姐不停以组织名义洗不同女仔的脑，指自己已帮女孩们部署好，叫她们勤力赚钱，再贡献给组织：“其实佢最主要嘅手法就系话你之后命运会好差，我预告咗俾你听，跛手跛脚，又话我有性病，叫我一定要攞钱出嚟做一啲植入，𠮶啲植入可能系畀完钱，组织会帮你做某啲嘢，做完某啲嘢之后你嘅人生就会升华。”沈小姐指自己的闺密李小姐一样“进贡”了很多钱给林小姐，她把电话转驳予对方，问贡献了多少，李小姐说：“咪同你差唔多，都话咗我要每日做植入。（沈小姐：系咪做鬼仔植入？）六位数呀，因为你要抗衡，冇六位数都冇办法，借钱都要搞得掂，阴阳眼可大可小⋯⋯”

少女们心急要揾钱，于是便在补习老师林小姐怂恿下去做“PTGF”（Part-time girlfriend），到成年后林小姐就介绍她们去Spa场做性交易，沈小姐直言：“跟住佢就越来越癫狂，好似不停想揸干揸净我所有嘅价值。”沈小姐强调，自己每次收到钱都需要在短期内转账予林小姐，指自己只试过有一次分到6、700万，其余时间都是一蚊都冇攞，为自证清白，她更带节目组去银行，列印多年来的户口流水帐：“佢攞好多唔同嘅借口，叫我过返数俾佢，啲钱系唔会留喺我户口超过一个礼拜，佢嘅心态就系佢觉得佢介绍咗我，就觉得我嘅钱就系佢嘅钱，我好似成个人唔mind咁样。”

这种“无条件信任”林小姐情况维持了十多年，直至近日沈小姐终于有所动摇，因为“组织”要求她用600万买一个荃湾的单位，她付出首付、印花税、律师费、每月供款、管理费等接近200万，但单位只登记于林小姐一人名下。技师沈小姐得悉被骗后失眠三日，直言：“系组织叫我去买，之后要写返林小姐名，我自问自己好蠢，但𠮶时听到都唔肯去做，觉得好奇怪，点解我要买楼写林小姐个名？我有谂过呢个问题，林小姐可能发现我拖咗咁耐都冇做过啲咩，佢就直接霸王硬上弓，用组织名义、强硬手段，后期我又问返佢可唔可以写两个人嘅名，佢都同我讲话唔得，业主只可以登记一个人个名。”她透露自己拒绝配合的期间，曾遭遇座驾被刮花、私密照被乱传、被匿名电话恐吓、凌晨有人上门敲门等事件：“佢话因为我得罪咗其他组织嘅人，所以会俾人咁样报复。”

《东张》于是决定致电林小姐对质，揭破她各项恶行，先讲骗取他人楼宇等罪名，李旻芳问为何层楼冇沈小姐名，林小姐说：“大家有个协议话一齐买楼，但系冇写到佢名嘅原因就系我哋大家都deal咗，话净系登记我个名，唔写佢个名，佢净系做担保人。（李旻芳：佢有份俾首付）因为𠮶时佢都争我一嚿钱，大家都协议咗，𠮶时我系出，佢系有畀，但系佢唔系畀一半，我谂大家都协议咗，大约俾咗50万。”而翻查技师向《东张》提供的对话纪录，林小姐曾表示自己冇睇清楚合约，以为供款人等于业主，更答应沈小姐可以上律师楼转名，林小姐又向《东张》说：“临尾买楼嘅时候，我就同佢讲不如层楼一人一半，佢又唔认同，我就同佢做咗个deal，签咗一个contract，话我俾40万佢，层楼就我买嘅，佢攞咗40万之后就唔再追究层楼。”据指，单位最终以640万卖出，但付出200万的沈小姐，则一毫子也收不回。

至于讲到以邪教组织之名引诱少女卖淫及行骗，林小姐说：“我绝对冇做埋啲咁嘅事。”对于要加入组织、做“植入”改命，她一样声称不知情，又指自己只是从沈小姐口中得悉有“组织”，但与自己无关。之后李旻芳再问“你会喺补习社或者做补习老师嘅时候揾啲妹妹仔，好似收兵咁样，或者指使佢哋做啲咁嘅事？”林小姐说：“系冇啲咁嘅事，完全冇，间补习社已经差唔多十年，你都可以问返补习社老板有冇啲妹妹仔𠮶啲，系唔会有啲咁样嘅事。”不过，当《东张》踩上补习社，负责人就指林小姐已离职十年，当时只做了两年就冇做，亦即推翻了林小姐口供。问到林小姐为人如何，负责人说：“人品贪玩，其他唔清楚。”

林小姐又向《东张》指控技师沈小姐：“以我所知，佢有比其他男人包养，但系佢精神系有啲问题。”讲到是否操控少女榨取金钱，林小姐回应：“我唔知，呢样嘢你真系要问返佢，呢啲全部甘心情愿我冇攞支枪指住佢，我返工先。”接著便挂线。尽管之后她向《东张》表示有事想澄清，愿意再受访，但却安排半夜时间，并且多次爽约，最终不了了之，节目组形容其诚信令人怀疑。

最后，技师沈小姐也成功跟钟先生和解，她坦言事过境迁再回望，都觉得自己仿佛被落降头、撞邪，如像扯线公仔一般，她知道自己有做错，诚心表示会想补偿：“会尽自己最大能力补偿得几多就补偿返俾佢（钟先生）。”钟先生亦接受，并谓：“有心想负返少少责任嘅，我都会接受，我可以应承佢，at least同我嘅瓜葛可以告一段落。我报《东张》都系想令到呢班人唔可以继续靠佢或者其他女仔去呃钱，呢单嘢我唔会就咁算，如果有人犯法，最好梗系绳之于法。”可惜，幕后黑手林小姐至今仍然未落网。