赵浚承（Gary）和李金凯昨晚（5日）出席《中年好声音3》歌手任永健的新歌 《钢铁爸爸》MV首播暨嘉宾分享会。两人今次还身体力行支持老友，李金凯亲自为MV执导，而赵浚承则担任男主角。

李金凯执导坦言不简单

两人受访时表示，当收到任永健邀请时，他们完全没有考虑便一口答应，因为大家是好朋友，不需要讲太多。身为MV导演的李金凯，大赞任永健在拍摄时的表现，比参赛时进步很多：“𠮶阵佢有啲紧张，但依家起码慢慢渐入佳境，OK嘅！”赵浚承打趣反问李金凯：“导演，咁我啲戏点呀？”李金凯即场开玩笑说：“我都唔知TVB点解会拣你拍《爱·回家之三代同糖》，咁大胆！”问到他觉得任永健和赵浚承二人谁更帅气，李金凯自信笑称：“我最靓仔！”

李金凯续言，虽然以前拍过短视频，但都是“玩吓博吓流量”，今次认真做导演绝不简单，“所以我全程要好认真，有时要同演员协调，控制气氛同情绪。（下个目标执导电影？）随缘啦，觉得自己都有少少天份，如果有人俾机会，我一定系百分之百努力！”他更打趣承诺，若日后拍电影，一定会安排“第三者”角色给赵浚承。

赵浚承努力说服太太移居香港

至于最近忙于拍摄《爱·回家之三代同糖》的赵浚承，透露前几个星期一直专心拍剧，而刚好这星期太太与儿子从北京来港探望，感觉有少少分不了身。“正常我平时返屋企就睇剧本，但阿仔喺度就要陪佢玩。”他笑言，随著家人日前返回北京，昨日开工“即刻专心晒”。

问到会否考虑接妻儿回港定居？赵浚承坦言正努力说服太太，“筹备紧，可能等小朋友上中学嘅时候，相信小朋友好快适应，反而系惊太太唔惯，始终朋友都喺北京，希望可以成功说服佢。”此外，为了补偿儿子暑假期间自己未能好好陪伴，他特别花了心思安排：“我专登买咗两张飞，带佢去（启德）睇曼城对国际米兰嘅比赛，佢未入过咁大嘅球场，又有冷气，又有五万人一齐玩人浪，佢睇得好开心！”

周志康传无缘《中年好声音4》七强

对于近期《中年好声音4》流出七强名单，包括周志康在内的几位香港代表都被淘汰，赵浚承直言：“系咪真㗎？如果阿康入唔到7强，都会有少少失望嘅，毕竟我哋同剧组，依家真系同佢一家人咁样！（有无见佢有失落表情？）又无，因为佢真系好快入戏，好专业，唔见有任何失落嘅感觉。”

吴亦伟高分遭质疑“造马”？ 李金凯力撑评判专业

近日亦有不少网民闹爆参赛者吴亦伟表现不佳，甚至“唔知唱乜？”但依然拿到高分，质疑有“造马”之嫌？李金凯力撑评审团：“唱歌同食嘢、欣赏画作一样，好主观。网民闹边个唱得差，但其实评判嘅能力，唔系讲笑，佢哋几分钟之内要睇晒音准、表达意思、歌词意境、表情同肢体语言，要全面谂清楚先俾分，唔系一般人做得到，真系好难！”

李金凯补充，当初自己比赛时，亦曾对评分的标准感到疑惑，但后来明白评判们是非常严格且客观，“我觉得周国丰、肥妈佢哋都非常好，完全冇问题！所以我睇到有报道话《中年好声音5》揾到我哋中1、中2、中3去做评判，我同你讲一定做唔到。”

谈到吴亦伟现时成为众矢之的，作为师兄有什么调节方法分享给对方？李金凯直言：“唔使调节，你心态好或唔好，最大影响系自己，唔关任何人事。总之就系，除咗自己之外，唔好俾任何嘢影响到。”赵浚承亦完全同意其说法，不觉得有“造马”并笑言：“当时啲人都话我系‘造马’、‘咁都可以逆转’，几百之箭插埋嚟。但我觉得唔需要讲咩，将啲情绪同感受发挥喺下一首歌度。”

《中年好声音》节目将停办　两人表示支持

对于《中年好声音》系列将停办，赵浚承与李金凯均认为是好事。赵浚承分析道：“幕后工作人员都好攰，一季比赛完咗冇几个月又开始新一轮海选。做了四季咁好嘅节目，系时候慢返落嚟，畀大家休息吓，谂啲再新颖啲嘅环节出嚟。”