李静仪（Heidi）和李蔓莹（Renee）好好朋友，近日除了一同主持podcast节目《李想之间》外，早前更一齐去葡萄牙，去完旅行仍然有朋友做！不过网上就有言论指二人各自展现“机心”一面，指女人同场就是会暗中较劲，一边有人质疑Renee著低胸衫将对方“处刑”及抢风头，另外又有人指Heidi剪Vlog时因为自卑刻意将镜头拉近，将对方的丰满上围裁走，二人在开咪时就亲自澄清事件，Heidi澄清是由自己为Renee挑选衣服，更说：“如果我系自卑，咁惊嘅话，我就唔会同啲身材好嘅朋友做朋友啦！”

Renee初见面已掏心掏肺 Heidi曾劝唔好太易信人

节目中，Heidi与Renee分享成为好姊妹的原因，以及回顾葡萄牙之旅的所见所闻，Heidi入行比较耐，对人亦有戒心，但与Renee首次见面时，对方已掏心掏肺，使她大吃一惊，认为Renee很纯真，尚未受社会侵蚀。她说：“我第一次同佢拍嘢，佢就已经将成个真心畀晒我，我系吓亲呀！我哋工作咗一次之后，第二次约你出嚟，你已经讲晒所有嘢畀我知。我就话你唔好咁容易信人啦，你先第一次私底下同我出街，你讲晒啲嘢畀我知，你唔惊我出卖你呀？或者转个头讲你啲嘢出去呀？你唔好呀！你要好好保护自己呀，尤其是喺呢行，因为点解呢？我好想拯救你！我望到你就好似望到细个嘅自己呀！”她甚至曾直接向Renee表明自己戒心比较重，而Renee一句：“啊，我知呀，你ready就讲啦。”这个有边界感的行为使她感到很舒服，现在讲起都会眼湿湿和毛管戙。

Renee著低胸被指“心机婊” Heidi：件衫我拣俾你

今次葡萄牙之旅主要由Heidi策划，而她交给Renee的其中一个任务就是叫她要想好服装，笑言：“我啲frend话我去旅行好似fashion show㗎。”而其中一日，Heidi甚至帮Renee化妆及衬好全身服饰，更为她进行发型与形象大改造，Heidi就对镜头说：“我今次拣啲衫咁靓，唔明点解都会有啲fans闹我啰！”Renee则说：“唔系呀，佢哋觉得我系心机婊啊！因为你帮我拣咗件波点Top，咪有啲低胸，which我平时唔会咁着，但系我自己觉得去旅行梗系冇所谓啦，系咪先？（Heidi：但系𠮶件衫系我拣俾你。）啲人以为我特登着，话得我性感， Heidi就比较收埋啲咁样，话我抢风头。”

Heidi解释影片裁走Renee上围真相 否认自卑

但原来Heidi同样被指有机心，她续说：“我唔介意，有朋友send咗俾我睇，有啲comment就系话我心机，特登譬如我哋拍vlog，有啲画面， cut走你一啲‘好靓嘅地方’，但系……我点会呀？佢哋就话我自卑，我心谂如果我系自卑，咁惊嘅话，我就唔会同啲身材好嘅朋友做朋友啦！系咪先？同埋佢净系拣咗某一个shot，其实mostly大部份都系正常嘅，但系总会有一小部份人就会咁样。”讲到Heidi被指刻意裁走Renee的好身材，Renee就被好友抱不平，并澄清：“因为Heidi佢高过我㗎！所以当Heidi（揸机）呢一个位嘅时候，佢比较close up啲，我就会更加close up 㗎喇， OK？大家要知道我系好细粒㗎咋，所以大家觉得我嘅心机同埋Heidi嘅心机，呢啲系冇发生过，我哋心机只系纯粹摆咗喺旅行上面，我哋好有心机喺呢个旅行。”Heidi指网民实在“谂多咗”，之后更表示下次会再帮网民争取福利：“如果下次真系我捉到你去阳光与海滩，唔该，网民，要好好多谢我，OK？我会尽我能力！”