前新闻主播黄婉曼（Icy）今日（7日）现身铜锣湾出席一连六日的LIVE4WELL《紫数日：生命探索之旅》预防医学活动。黄婉曼平时既要兼顾忙碌工作，又要悉心照顾家庭，对身心健康及抗衰老特别注重。Icy在活动现场一口气试用了七部AI健康检测仪器，更大赞仪器够便利，期间更即场拍摄Reels与网民分享健康心得！

惊讶身体数据精准　体重标准但“嫌自己偏瘦”

谈及现场的AI检测体验，Icy坦言结果令她大开眼界。她分享道：“如果睇啱真系可以买一套返屋企！因为佢由最简单嘅肌肉够唔够、体脂率会唔会过高，到细胞有冇发炎，甚至我有冇‘精神内耗’都可以测到！”被问到按摩时经常被按摩师指肌肉太紧绷，Icy笑言：“每一次去按摩，啲姐姐都会问：‘你系咪好努力工作啊？’或者话我压力好大，但我每次都话：‘唔系啊，我冇啊！’所以今日我都想知道自己到底有冇内耗。”

虽然检测显示她的体重与内脏脂肪均非常标准，但Icy却对自己的身体状况有更高要求：“检测话我体重好标准，但我自己觉得标准通常都偏瘦！反而系肌肉量可以再多少少，医生话可以精准到睇得出百分比，等我知道可以补充多啲水份，或者做多啲运动。”

不畏下半身酸痛　强化肌肉兼预防腰痛

身为人母的Icy也大谈妈妈们常见的健康痛点，表示自己先前曾因腰痛及膝头哥痛而求医：“生完小朋友嘅妈妈好容易腰痛同膝头哥痛，我睇医生话我系肌肉量不足。所以我依家会做多啲Pilates（普拉提）同拉筋，希望可以强化身体嘅肌肉，最重要系为咗健康！”至于日常饮食，Icy则主张“快乐饮食法”，不赞成过度禁食：“我系一个比较快乐饮食嘅人，唔会特别节食，因为我觉得咁样心情会好啲！心情好、身体代谢自然都会好。不过如果去完旅行食多咗，过后就会节制返少少，食得清淡啲，最紧要唔好太强迫自己。”

40+成功学识游泳　囡囡变身“魔鬼教练”

除了靠普拉提同打高尔夫球建构健康体态之外，Icy更透露自己在刚过去的夏天迎来人生大突破，成功学会游泳：“我四十几岁都唔识游泳㗎！但今个夏天，我个女教识咗我游泳！”Icy笑言，两个女儿在游泳池变身“魔鬼教练”，“佢哋话：‘唔使惊㗎，你就咁样落水啦！’连泳圈都唔畀我，叫我直接落水。因为做妈咪喺佢哋面前唔可以话‘我好惊啊’，所以我鼓起勇气将个头潜落水，点知真系浮得起！”

经过几次旅行的练习，以前只能“踢水”的Icy终于克服水惧：“依家真系‘成就解锁’！感觉自己好似内在只有6岁咁，真系好开心。依家全家人可以一齐做运动，互相陪伴健康成长，呢样先系最重要！”