无线（TVB）处境剧《爱·回家之开心速递》陪伴不少观众度过无数夜晚，昨晚（7/8）一众演员出席剧集大结局活动，古佩玲（Kelly）在现场接受《香港01》访问时，首度回应近年围绕在她身上的“样貌进化”传闻。当谈及多年来所承受的互联网抨击与舆论压力时，古佩玲一时情绪涌上心头，当场声泪俱下，而绯闻男友陈浚霆则全程紧随其侧、贴心守候，二人互相扶持、相视落泪的画面，令人动容。

古佩玲面对舆论压力落泪　感激剧组与身边人温暖陪伴

近年古佩玲的外貌变化一直成为网民热议焦点，面对排山倒海的声音，她坦言内心曾经极度挣扎与无助，提及这段日子以来的心路历程，古佩玲数度哽咽：“因为其实……我一路成长啦，中间都有经历过好多唔好嘅声音。但我其实都好感谢网上唔同嘅声音，我都会接受、继续努力。但喺呢段时间，我最想多谢嘅，其实系《爱·回家》呢班人……因为佢哋真系，唔开工又好、开工嘅时候都好，佢哋都好解开我、引导我，叫我要努力、加油、做好自己……每个人都好锡我。”

古佩玲坦言，最初面对网民的批评与质疑时，确实感到十分无助与失落，但幸好有剧组这家人的爱护，让她学会坚强：“其实最初都真系有无助感，亦试过半夜瞓觉时会喊，但我相信大家喺生活上面，多多少少都一定会遇到一啲要克服嘅困难，但我相信大家都会有呢个力量去收拾自己、去面对难题同解决问题。”

陈浚霆为古佩玲发声：“进化”点都好过“退化”！

一直陪伴在侧的陈浚霆，在访谈期间不断为古佩玲加油打气、抚慰情绪。面对外界对古佩玲外貌的各种揣测与评论，陈浚霆为对方发声：“我觉得好简单一句嘢，‘进化’点都好过‘退化’！女孩子都系钟意靓嘅，Keep住喺唔同嘅妆容上面，希望可以展现到更加好嘅自己。画少少嘢都已经好似改变咗个人咁，唔紧要，我哋向好嘅方面谂，系越来越靓，唔系退化！”

陈浚霆更指出，要做到令每一个人满意是非常困难的，最重要是内心的坦然与自信：“每个人都有自己嘅意见，审美观又唔同，每个人把尺都唔同。我觉得最主要系自己开心、过到自己𠮶关。就算我钟意只系画半边眼，另一边唔画，总之你行出来有自信、令你自己开心就得啦，唔使理人哋㗎嘛！”

提及古佩玲默默承担的压力，陈浚霆亦深感心疼：“无论点都好，Feel到佢一个人面对呢件事系心痛嘅。但佢好快会平复、好快会谂得通。网上面嘅评价只系其中一个角度，有啲人纯粹系因为想讲而讲，我觉得无需要太放在心上。最重要系自己行得正、企得正，自己做嘅嘢舒服就得。”

患难见真情　二人相视流泪场面令人动容

在访谈尾声，看到陈浚霆无条件的支持与鼓励，古佩玲再次忍不住真情流露，直言对方与剧组给予了她极大的正能量。陈浚霆见状亦眼眶泛红，轻声安抚说：“我觉得我完咗爱回家播晒所有嘢，古佩玲大个女咗，而家可以回应呢个问题，成件事我又觉得你心理上进化咗，已经去咗另一个阶段，我希望你一路进步落去，越嚟越开心。”古佩玲即落泪表示：“我而家成个人好感触，多谢你。”二人相视而泣、眼神中充满对彼此的理解与感激，场面温馨又令人动容。