朱敏瀚（朱仔）与前港姐冠军陈晓华（Hera）自2024年爆出秘恋两年，期间一度传出同居兼计划外地结婚，虽然二人对外一直保持低调，但据悉因公司施压及事业发展考量，这段感情最终亦未能修成正果，低调画上句号。正式回复单身的朱敏瀚，如今获身边好友关心感情著落。

日前吴若希（7/8）出席《爱·回家之开心速递》齐齐睇大结局活动，她在接受《香港01》访问期间大方透露，自己自从与朱敏瀚合作后意气相投，早前从报道中获悉对方已回复单身后，便决定主动出击代为拉红线，更早已物色好优质对象：“系有嘅！因为对上一次合作完之后，大家其实都熟咗，同埋睇到新闻知道佢系单身。所以我都有啲笋盘，又靓啦、又专业啦，个人又超好，又好识得照顾人。”

安排屋企见面　吴若希喊话：千万唔好打扰佢哋！

当被问及相亲进度时，吴若希笑言自己心急赶著回家，正是因为约了两人在自己家中见面：“我今晚都赶住爱回家，因为约咗佢哋喺我屋企见面。两位都系我嘅好好朋友，所以安排喺我屋企见面。（两个本身认唔认识？）两个又唔可以话识，但两个都系我好好朋友。”

对于自己挑选的新对象，吴若希表现得相当有信心，更大赞对方条件顶级：“好优秀！（系咪长腿？）我觉得所有嘢都好优秀。（又系咪港姐嚟？）绝对唔系啦！不过我觉得佢绝对有要求嘅，但我谂住介绍嘅都非常之优秀嘅，所以我完全唔担心。如果以后大家喺街度撞到佢哋约会、互相认识下，千万唔好打扰佢哋啊！”她更笑言只要两人能顺利发展，日后的事就随缘，最重要是先帮好友踏出第一步。