圈中人缘极佳的吴君如，于8月2日正式迎来61岁生日！不过正日当然要留畀家人，她早前更与女儿陈是知去到“世界新七大奇景之一”的马丘比丘；回港后一班“麻雀脚”就为她补祝，包括佘诗曼（阿佘）、MIRROR的吕爵安（Edan）、柳应廷（Jer）、李骏杰（Jeremy）、肥仔@ERROR、杨偲泳（Renci）及林千渟，不过阿佘就大爆今次又输好多，指自己与寿星女沦为“洗牌机器”，表示：“都系𠮶啲架喇，一嚟又天糊、又食一百几十番（人哋🙄）”而君如亦回复：“我都唔知玩紧边度地方嘅麻雀！”究竟边个后辈赢咁多？吕爵安（Edan）一句得戚说话惹来无限联想。

阿佘多次受教训怕跟妈咪坦承打牌会被泼冷水

从吴君如早前贴出的庆生片段可见，众人齐齐手叠手陪寿星女切蛋糕，并且不断起哄，期间更有人大叫：“由头好到尾！”君如姐被𠱁得笑逐颜开，似乎相当尽兴。不过，阿佘之后就在社交平台出post，指自己与君如都输麻将输得好惨烈！阿佘先表示：“迟到好过冇到。”透露：“一星期前（即系8月2日）系我哋麻雀俱乐部CEO @sandrangky 嘅寿辰，正日我哋梗系要让路啦，所以我哋就约咗呢日喇。唔使讲啦，今次当然都有打麻雀啦，不过已经有多次教训，所以出门口前，我只系同妈咪讲话去同君如庆祝生日（费时佢又泼冷水）。”

阿佘吴君如输牌成“洗牌机器” Edan得戚回应：下次继续努力

结果亦果然不出所料，阿佘继续“交学费”，她说：“都系𠮶啲架喇，一嚟又天糊、又食一百几十番（人哋🙄），总之我同君如就完美化身为洗牌机器…不过都系充满欢乐气氛嘅～”之后众人就陪君如将蛋糕当烧猪切，指：“祝寿星女年年有今日，岁岁有今宵！由头好到尾！！”网民当然想知究竟现场谁赢得最多，而Edan竟留言：“下次继续努力☺️💪🏻”不少人都留言追问：“你赢咗几多快啲讲🤣”、“系咪就系你一铺食一百几十番呀？😆”而吴君如都有在阿佘的帖文下留言：“其实我都唔知玩紧边度地方嘅麻雀！换牌换到头都晕，四只留一只换三只俾人，跟住摸三只留一只换两只俾人，攞两只换一只，换完下家又换上家，好彩换得靓咪好快食糊！唔好＇就唔知换啲咩返嚟！仲要玩百搭⋯⋯其实你哋知唔知我玩紧咩啊？”