游嘉欣入行以来都是“悭妹”，早前去美国和墨西哥旅行，疯狂打卡及分享福利照，更入场睇世界杯。由于她经常转换Chanel、LV、miumiu、GUCCI名牌袋，不过这亦令她被指“忽然富贵”，甚至引来“被包养”传言。日前游嘉欣出席《夫妻的博弈》宣传活动，讲到传闻时她反问：“努力赚完钱，做咩唔可以开心去玩？”指自己在香港好悭亦好少使钱，留待去旅行才叹世界，当讲到外界指她豪游不符草根背景，她更反击：“我唔知大家点翻查我背景啦，佢哋查我家宅定系知我银行户口？我都唔系好理解。”

游嘉欣消瘦不少 冇刻意减肥

游嘉欣明显消瘦了不少，她指自己冇刻意减肥，纯粹是两年前仍包包面、Baby Fat，更大爆：“最胀嘅时候反而系我最刻苦，又唔食饭又做运动又着胶褛焗汗。”谈到美墨之旅，游嘉欣表示之前一直开工，直至前阵子终于有接近一星期假期，她才即刻递假纸去旅行，决定用尽假期飞远一点。

指难控制包养传闻：努力赚完钱，做咩唔可以开心去玩？

对于忽然富贵传闻，她指：“大家可能觉得去海外好有钱，我由以前毕业嘅时候就已经好钟意去一啲比较远嘅地方，唔系平时去开嘅日本𠮶啲。西藏呢啲地方我都好钟意，无论美国、非洲我都希望嚟紧有机会Explore吓，使钱呢样嘢我谂香港都冇乜地方使钱，旅行都系为开心啲，应使则使，使完又努力工作。”至于被指包养，游嘉欣坦言见到评论：“佢哋点讲我都控制唔到，但我做返自己觉得啱嘅嘢，努力赚完钱，做咩唔可以开心去玩？我唔会care呢啲睇法，最紧要自己开心，下下都要睇住人哋点样睇你嘅话，就冇自己人生。”

豪游被指与草根背景不符 亲自反击：查我家宅定系知我银行户口？

入场睇世界杯门票价格不低，也不是有钱就入到场，有网民更指与游嘉欣的草根“屋邨妹”背景不符，她直言：“我唔知大家点翻查我背景啦，佢哋查我家宅定系知我银行户口？我都唔系好理解，其实我都多谢我当地嘅朋友，因为佢哋受人邀请，多咗个位，又知我有假，就一齐去，我都有请佢哋食返餐饭，一齐玩吓。我睇到都觉得几搞笑，我就唔可以去旅行？我就唔可以生活得丰富啲？我平时喺香港生活都比较单调，好少share咁多嘢，旅行post多咗嘢大家就觉得点解突然之间咁丰富。”问到下次会否分享穷游生活，游嘉欣则表示：“穷游嘅时候我唔话俾大家听啫，我会精挑细选，拣啲靓嘅餐厅，中等价位，可以接受到，去旅行唔会净系想去啲好街边嘅嘢，想咩都体验吓。”