徐蓉蓉（徐姐）近日推出新马师曾（邓永祥）纪念文集《千面伶王新马师曾》，而新马师曾的几位子女邓兆尊、邓小艾（邓翠玉）及邓兆荣除了出席书展活动外，近日亦有接受徐姐节目访问，兆尊曾透露父亲“求”自己安安份份做个二世祖，他在访问中分享个中内情以及更多新马师曾的教诲，指祥哥交带自己不要过度表现自己，只需守好这个家，确保兄弟姊妹和睦共处就够，最重要是别做一个危害社会的人。

祥哥教导切勿危害社会 别自以为高人一等

兆尊道出祥哥对自己的教诲，他说：“尽量做一个唔好危害社会嘅人，唔需要太过有名有剩，人生观一定要系正，好多嘢揸得好好，乜嘢都要好正路去做。”此外，兆尊从小对祥哥的印象就是一视同仁，哪怕对方是街边一个路人，祥哥都以礼相待：“佢亦都提过好多次，唔好当自己系一个高人一等嘅人，人系平等嘅，你点对人人哋点对你，冇得变嘅。”他又指以往做决定前有犹豫都会问祥哥意见，对方会告诉你不同选择会有什么不的结果，由兆尊去决定，而兆尊亦从对方待人处事的方式学到无穷无尽的技巧，受用至今。他又坦言：“交带我做咁多年嘅嘢，我已经尽量做到最好，我唔会有一啲令到你损毁到你名声嘅嘢做出嚟，我到而家都可以讲得出呢样嘢。”

被祥哥求安份做二世祖 邓兆尊：唔好过于表现自己

讲到被央求做二世祖，兆尊说：“谂吓佢个人，点会用个求字？用得个‘求’字系好严重嘅事。我开头听到话‘唔系啩？’呢个角色好难演，佢话可能会比好多世人唾骂你，你要受呢一样嘢。”至于父亲心中的二世祖有何标准，兆尊直指：“我问得好清楚，我冇呢个资质、性格去做呢个二世祖，佢话我要求你大概系做到咁样咁样，唔好有太过风险嘅投资，唔好要做好多嘢太过表现自己，你要同我做嘅就系守好呢个屋企，尽量令到兄弟姊妹和睦，当佢哋有少少争拗，你作为一个大佬要点样handle呢啲嘢。”

放弃做遗嘱执行人 因想观察弟妹为人

徐姐就记起，当年在殡仪馆，兆尊拿著一张纸见记者，宣布遗嘱执行人是弟妹邓翠玉（邓小艾）、邓兆荣，问到为何身为大哥会放弃这个身份，兆尊表示：“如果我做大佬嘅话，我乜都争住嚟做，系做到嘅，但系好难服众，同埋我觉得佢哋都有责任去兼顾返呢样嘢，我亦都想观察佢哋嘅为人，如果你真系要做依样嘢嘅时候，你会有咩处理方法，做得平唔平均？好唔好呢？或者你有冇私心或者变质，去试吓你哋为人先。”

盼将多年经历与年经人分享：希望你条路顺啲

兆尊一向是祥哥祥嫂的心头肉，家中只有祥哥和兆尊有燕窝食，更有传祥嫂将所有财富都留给兆尊，他直认不讳，但透露财富不多，因为父母都想他们有能力自力更生，并谓：“你留俾我嘅时候，我又自己占据咗嘅时候，好似有啲那个咗少少，虽然系事实、有道理，但系我都希望有啲嘢大家尽量平均去做，我唔想因为佢疼锡我而我要攞多啲，我唔系呢啲人。”最后，兆尊表示自己一直希望将自己多年的经历、挫折，尽量在节目上与大家分享：“咁多年我都系咁做，希望尽量啲后生嘅走少啲冤枉路，譬如我话俾你听你几时会跌，你咪听吓啰，如果真系跌咗嘅时候，我下次再讲返另一样嘢嘅时候，你咪俾心机啲留心听吓，希望你条路顺啲。呢个年代好多嘢都唔开心，大势唔系几好嘅话，低谷期嘅时候尽量用一个开心嘅心情行过去。”