TVB节目《警声百二秒 IV》今日举行开镜仪式，警务处多名要员出席，而TVB则派出七名曾参与之前系列的艺员代表，包括视帝陈展鹏。有别于经常在剧集中饰演的警察或飞虎队，他之前特地自荐做跨部门反恐专责组坏人，希望能透过好玩的角色，带出纪律部队不同部门的运作让大众认识，并大赞节目制作认真，角色老少咸宜。

拍YouTube旨在分享家庭生活 频道休闲为主拒爆料造话题

近日展鹏与太太单文柔及女儿“小猪比”进军YouTube，一家三口拍摄亲子片，更不介意将家中各个角落公开。早前一集展鹏亲自下厨，让小猪比品评自己的厨艺，新片又有一家三口去岘港玩的花絮。他指一直都有拍片想法，想有一个平台与大家分享家庭生活，皆因近年外界十分关心爱女“小猪比”的成长，每次受访难以一一尽诉：“我一路都谂紧，有咁多个访问，唔通我每个礼拜都同一啲Social Media、报章做访问咩？唔得㗎嘛，同埋大家访问嘅嘢都系问几样嘢，工作、亲子、小朋友，咁不如我拍出嚟，亦希望同大家分享多啲我屋企嘅生活系点。”他强调频道方向以休闲为主，顺便为女儿纪录成长，并非为了制造八卦话题：“大家唔好标签咗有啲咩片好爆，讲啲咩八卦嘢，或者好激嘅嘢，完全冇，只不过多过渠道做吓宣传又好，分享又好，或者资讯性又好，或者内容方面又好。大家亦可以留言，有好有唔好都可以留言，完全系善意同埋一个分享嘅模式。”

陪爱女狂瀡8次滑梯 幽默回应撞样陈凯琳胞弟

提到早前他出Po玩商场滑梯玩了足足8次，他笑言是为兑现疫情时对女儿的承诺，当日路经该商场购物，顺道带女儿去玩：“一玩，哗！我个女就话要补偿返咁多年，所以要玩八次，其实真系有啲攰。你话玩一次就冇所谓，玩八次，我都要揾啲嘢自娱下我自己，所以拍咗条片，如果唔系好难玩到咁耐。”结果片段被网民指他撞样陈凯琳胞弟Derek，展鹏大方回应：“其实呢个话题好耐㗎喇，我未见过佢真人，但系我觉得佢好靓仔，因为佢Mix嚟嘅，我觉得佢靓仔啲。似又好唔似又好，冇乜所谓啦，都咁大个人，似边个都好啦，尤其是网络上面，我觉得善意嘅开心绝对冇问题，就算唔善意，我哋做咗30年，有乜嘢未见过？所以完全系最紧要大家有个noise，有啲话题，大家睇吓，大家开心吓咪算啰。”

被问陈凯琳戏院争议 吁大众给予空间：都唔好再发酵

对于陈凯琳近日带儿子去戏院睇戏闹出风波，身为人父的展鹏亦有留意，他认为事件已经被过度放大：“件事都发酵咗一段时间，都唔好再发酵，我做咗呢行30年，好多媒体都系将好多唔同嘅角色加落去，令到佢好似一个大剧咁，其实𠮶件事有几大呢？留返当事人处理。”他认为应该给予空间，指每个人睇同一件事都有不同看法，对与错也好，过去了就由它过去。问到作为父亲，平时带女儿出街、睇戏又会否特别小心谨慎，避免闹出风波，展鹏坦言少带女儿去睇戏，“我觉得观点与角度，出到街好多朋友都钟意小猪比，见到佢会笑，有时好难讲，大下大下可能又唔同咗。”

此外，他表示有时带小朋友出街都因应天时地利，例如天气热，小朋友又𤷪、大人又𤷪，结果都会不同：“唔可以一概去讨论呢件事，我又唔系当事人，又睇唔到𠮶个环境，全部都系口述，就算我自己有咁嘅情况出现，你问我，需要点处理，无论睇戏好、公园好、去水上乐园玩都好，都有佢规矩，呢个系啱嘅，跟规矩又系啱唔啱呢？”总而言之，展鹏还是希望大家将事情放轻再放轻，笑笑便算，对大家都比较舒服。