TVB处境剧《爱．回家之开心速递》一直深受观众欢迎，剧中演员感情要好，犹如一家人。不过，虽然已播映完毕，但早前网上却疯传剧中两大核心人物“熊尚善”滕丽名与“大小姐”林淑敏疑似闹不和，更有网民化身“网络柯南”，指二人甚少在社交平台互动，更从昔日的“爱回家行山团”到现在旧情不再。对此在剧中饰演“三太”的樊亦敏（Amy）昨日（14日）出席新剧《驱魔速递》的开镜拜神仪式时亲自为传闻解画。

“三太”笑言自己形象已经“入晒血”

对于被问是否不能再叫Amy“三太”，她笑言自己“三太”形象已经“入晒血”，连公司同事都习惯叫她三太：“细路仔叫我三太啊，又或者叫我仙仙阿姨Cindy啊，撕唔甩嘅。”当话题转到《爱回家》的剧组是非时，Amy即时发挥“三太”的圆滑本色，坦言有留意网上评论，但强调大家切勿想太多：“我始终都系好关心个剧集，但系我觉得大家应该畀啲时间啦，因为始终每一样嘢都会系有一个适应期，咁始终因为我哋𠮶套剧有十年嘅时间。大家好挂住我哋，大家都好开心嘅咁，但系新嘅同事都好努力啦，其实制作都系希望带畀大家欢笑啊，所以希望大家系以一个角度去睇，即系尽量少去大家去对比啰，因为每一样嘢都有佢嘅特色。大家都需要畀啲时间，畀啲爱啦，因为爱啊嘛。”

“三太”唔觉滕丽名与林淑敏在剧组时有异样

被问到滕丽名与林淑敏在剧组时是否有异样，二人是否有不和的征兆，Amy表示现场不觉得：“我又唔发觉有啲咩嘢，私底下我哋都系朋友啦，都有倾计啦，咁但系大家就冇问呢个事情嘅，因为想讲就讲啦，系咪先？咁不过我又唔觉有啲咁嘅事啰，即系平时工作上个人嘢又冇呢样嘢啰，咁我都想知咩事，其实等我问下佢先。”Amy亦指他们《爱回家》团队是专业的：“我哋唔会将情绪嘢带入我哋𠮶个剧组里面嘅，我哋每日拍嘢都好专心，同埋都好开心。咁同埋两位做嘢都好认真嘅，即系好super认真啦，同埋就系对角色都有要求嘅同事嚟嘅。”

“三太”樊亦敏亲解滕丽名与林淑敏不和传闻

针对网民指滕丽名与林淑敏在IG“零互动”，Amy大爆：“好坦白讲，你话我哋𠮶啲IG呢，其实我哋就唔系好睇大家嘅IG。因为成日喺公司见到嘛，同埋我哋讲亲嘢都系直接揾𠮶个人嘅，即系WhatsApp𠮶个人嘅。”至于为何2020年的热闹“行山团”会突然停办，她就解释纯粹是因为档期问题：“因为行行下第一拍嘢时间大家已经系冇时间行啦，咁再加上就因为真系行唔到𠮶啲太崎岖得滞，𠮶啲老土咁都系𠮶句啦，我又唔觉得佢哋有啲乜嘢，咁同埋真系拍剧忙，所以先冇再搞。”

Amy更笑指自己要unfollow“风少”陈浚霆，她更以自己与陈浚霆为例，其实大家关系都十分好：“我都已经同佢讲咗，陈浚霆你有啲咩直接要同我讲，我唔想喺IG度知道你啲嘢，我哋大家都会咁样。所以大家唔好夸大𠮶件事，我哋私底下啲感情都好好㗎。”

Amy在访问中更多次力撑“大小姐”林淑敏及“大家姐”滕丽名，指她们对待工作极度专业：“你话大小姐我觉得佢系专业嘅，就算你讲我熊尚善都系专业，我哋个个都系好专业，我自己本人就觉得大家拍嘢就好舒服嘅。可能大家太唔舍得我哋啦，所以呢有太多嘢想像出嚟。但系我哋其实系系好有爱嘅。”她寄语大众多给予剧组时间和空间，证明剧组上下依然一条心，感情未受谣言影响。