由《亚洲超星团》出道的男团SURFIVE，昨日（15日）齐齐整整现身尖沙咀一商场参与音乐活动，今次是SURFIVE首次以团体身份在该场地演出，五子状态大勇，在台上又唱又跳，台下更展现出成军三年来的超强默契。接受《香港01》访问时，他们不但大谈重温《亚洲超星团》经典舞台的感受，更互爆对方“麻烦”之处，场面搞笑。

重温《初恋》冀粉丝有“妈妈看儿子”的感动

谈到今次演出的歌单，SURFIVE特意为粉丝准备了惊喜，重现了在《亚洲超星团》时期的经典舞台，当中必定包括人气极高的《初恋》。他们笑言这次演出是一趟“Memory Lane（回忆之旅）”，除了希望带给大家欢乐，更打趣说希望台下粉丝会有种“妈妈看著儿子长大”的集体回忆感觉，甚至期待粉丝会感动到落泪。

兄弟情深不吵架 直肠直肚零隔夜仇

五个大男孩走在一起，难免会有意见分歧的时候，但他们坦言五人认识已经超过三年，彼此非常了解对方的性格和底线，文佐匡指：“我哋磨合咗好耐啦，所以呢我哋唔同嘅意见，唔同嘅谂法呢，大家都知道，对方系终于想要啲乜嘢㗎啦。所以我哋去实行呢件事系very smooth，同埋好快嘅。”黄星绰则表示：“同埋我觉得最紧要嘅一样嘢。就系因为大家都好坦诚，即系我哋呢度，想点就讲出嚟，我哋唔会话收收埋埋，又自己唔开心咁样，我哋就冇呢样嘢，咁就大家有啲咩意见提出嚟，我哋睇下可以点样compromise𠮶样嘢。”这种直率的沟通方式，反而令团队合作更加顺畅，就算有不同意见也能迅速达成共识。

但被问到谁最麻烦时，文佐匡第一时间就指向余宗遥，但是冼靖峰则表示每人都有各自麻烦之处，当每人都要说出自己的麻烦之处时，其余五人一同指出冼靖峰最麻烦是“迟到”。冼靖峰觉得最着紧是确保每首歌大家都能顺利发挥：“每一次去拣歌嘅时候，我都想Make sure𠮶首歌系大家都真系唱able。”黄奕斌则为寻找大家的“Shining Point（闪光点）”而苦恼：“我麻烦个位系希望每个人都可以揾到自己喺呢首歌里面嘅定位，同埋Shining Point。”文佐匡就认为自己是最不麻烦的一位。

黄星绰就不认同是麻烦：“不如话其实系大家各有执著嘅位，好似Archie执著喺歌；跟住Hugo会执著𠮶个位，系我哋每个人要表现到自己；阿Sean执著拍子；我呢就会执著啲排舞上面嘅spacing同埋都执著拍子，同埋成个picture，咁各有执著嘅位。”虽然五位成员说自己没有争吵，但在访问时文佐匡突然大喊：“一个一个讲！好攰啊系咁递咪！”其实是因为他站在一间，当每个人说话时，他就要把咪递出去，当刻左右两边一起说时，他就开始“头摇又尾摆”，不知道自己向左摆还是向右递，搞笑感十足。

余宗遥揭秘舞台惊险一刻

访问中，余宗遥惊爆了日前他在红馆表演时的一个差点成为舞台意外事件，他忆述当时如果舞台的升降台未能及时升起，就会酿成意外：“佢𠮶阵就同我讲中间个升降台呢就系一个窿嚟嘅，因为未升得晒上嚟，咁我就要兜住成个红馆𠮶个四面台咁样去唱个verse，同埋pre-chorus。咁但系去到真系On Show𠮶日呢，佢哋同编舞师讲呢，就净系用一个细升降台仔咁样去兜，咁因为佢有个hand held cam嘛，咁hand held cam我不嬲都要做好多嘢去电佢，同埋跳舞啦咁样，咁系完全handle唔到。一上到台唔记得咗㖞，跟咗寻日𠮶个rehearsal，就变咗成班Dancer，如果佢哋系冇留意到嘅话，佢就有机会跌咗个窿度。”幸好到最后升降台赶得切升上来，所以才避免了一次的意外。

黄星绰日前则有试映会，他被指拍“BL剧”即搞笑澄清：“其实我喺呢套剧入面，我系冇感情线嘅。”不过他亦不抗拒拍摄BL剧，但就笑指见到剧中主演拍亲热戏时会有“起鸡皮”的感觉。至于如果真的要拍BL剧，将会有不少大尺度的画面，他被问到是否能接受时即指：“如果有咁样嘅机会嘅话，我会愿意去试下嘅。因为大家如果大家做演员，系专业嘅话，就会focus返喺𠮶个作品度，大家都系serve个作品嘅时候呢，咁就唔会有啲咩嘅困难嘅地方。”

冼靖峰谈到自己最近推出了一首新歌《由天台记载》，可以和自己喜欢的班底合作让他感到兴奋，之后更提到举办了一场粉丝见面会，不过就差点热到中暑：“我惊大家一齐中暑啊，因为其实本身个日子系好耐之前定㗎啦，已经book咗𠮶个Cafe，真系大镬啰！原来𠮶日应该系有史以来最热嘅一日，仲要我系晏昼烈日当空嘅时候行出去唱，我真系觉得太勇敢，啲仪器𠮶日都坏坏地。”