艺人张镐濂今日（16日）正式踏入26岁生日，亦是他首个在香港与粉丝共度的正日生日！以往他多数在八月与团队一同庆祝，他接受传媒时坦言今次能与粉丝近距离互动感到非常激动和开心：“其实真系第一次，因为之前都未试过正日嘅时候同粉丝可以近距离接触同互动，同埋一齐过生日啰。之前都基本上可能八月份嘅某一日啦，可能我哋团体活动嘅时候就会一齐庆祝生日，但系今次可以同大家一齐过生日系非常之开心同激动。”虽然生日要在工作中度过，但他笑指感觉就像开生日会一样。

张镐濂生日正日回港过连父母也不知

提到家人有何表示，张镐濂笑言家人原来连他回港过生日也不知道：“因为其实我哋之前可能会提早庆祝，但系今次可能佢都唔系好知道，原来我生日都要走返嚟香港咁样，后尾佢就话你依家喺边啊？我话我返咗香港啦，佢话你点解返咗香港啊，我话做嘢啰。”

他更冧爆透露妹妹竟然自掏腰包封了200元利是给他：“对于细路仔嚟讲，我觉得呢200蚊其实系算多㗎啦，佢畀咗我都照收嘅，其实因为我觉得系心意嚟嘅。”他忆述妹妹以往曾亲手花极长时间砌Pokémon拼豆送给他，不过就发生了小插曲：“佢整嘅时候整烂咗定唔知点样，佢喊咗好耐好耐，但系feel到佢真系好用心去整嘅。”而这份礼物亦成为了他最深刻的一份礼物：“我觉得系上年𠮶一份嚟嘅，因为其实系我记得件事发生得太深刻啦，即系因为佢喊啦，佢自己整烂咗个Pokemon拼豆。佢喊咗好耐，因为我未见过佢喊得咁激动。然后𠮶次我就系咁氹佢话其实我已经心领啦咁样，但系佢心入面系好想整一个好完美嘅作品畀你、送畀你，所以𠮶次我觉得呢件事其实我系觉得好感动。”

转战话剧暴瘦4公斤　阿妈严格阿爸盲撑

除了演艺事业，张镐濂近期积极挑战难度极高的话剧演出。他坦言为此承受巨大压力，短短半个月内暴瘦4公斤：“因为真系压力好大好大好大，尤其系讲普通话，作为香港人可能讲普通话可能有少少港普啦。咁但系真系好希望出到嚟都唔好俾人话或者系欣赏咁样，所以都用咗好大好大嘅努力去练，但系点样样都好，我觉得系学习嘅一个经历。”

对于他的演出，父母的反应可谓大相迳庭。他笑指爸爸总是“盲撑”给予极大鼓励：“其实我阿爸系好信我，即系佢每次都话你得㗎啦，但系阿妈呢就一定会judge嘅。佢就会话你呢个眼神唔ok㖞，你应该咁样，咁样，咁样演，通常都系咁样嘅。”虽然有时会与妈妈顶嘴，但他深知妈妈的意见十分宝贵。

生日愿望祈求外婆身体健康　笑呻被家人“抛弃”

谈到生日愿望，张镐濂立刻收起调皮，认真表示最希望家人身体健康，特别是最近因受伤骨折入院的外婆。他表示这次提早回港，也是希望能多抽时间到医院探望照顾她。至于父母的动向，张镐濂则无奈笑言被“抛弃”：“佢地一家三口，依家冇一家四口住。佢地一家三口去咗外国玩啰，好sweet㗎佢地。不过佢问咗我，但系我最后都冇去㗎。因为做嘢㗎嘛，已经唔系第一次㗎啦，Not the first time。”言谈间流露出大男孩独立又顾家的一面。