郭柏妍最近在TVB新剧《夫妻的博弈》中饰演“绿茶婊”潘雪文（Sherman）一角，不但没有令观众生厌，反而还被赞有喜感。她今日出席剧集宣传时，对于演技获得观众肯定直言喜出望外，除了事前做了不少功课，还特别多谢剧中对手张颖康。

挑战演“绿茶婊”获赞

郭柏妍接受《香港01》访问时，对于近期在剧集中饰演“绿茶婊”获得不少观众赞赏与好评，直言感到喜出望外：“谂唔到啊！因为首先都好感谢监制畀一个咁样嘅角色我。一开始头都觉得有啲压力，因为之前都冇做过大篇幅咁多嘅呢类角色。我都好感恩，因为入行以来都有好多机会，可能做好多妹妹呀，或者是别人嘅女儿，但我好感恩呢啲机会令到我慢慢变咗‘Sherman’（剧中角色），所以都多谢监制愿意去用我。”

不惧形象受损：代表我有少少进步

被问到饰演“绿茶婊”这类不讨好角色，会否担心影响一路建立的“乖乖女”形象时，郭柏妍坦言完全不担心：“因为我觉得大家都会明白其实呢个系角色，唔系真实嘅我。如果大家觉得我系一个咁样嘅人，即系代表我有少少嘅进步，呢样嘢系我最想嘅。因为之前大家畀好多评语我，有差有好，但呢个角色令大家觉得我真系进步咗，我就好开心，所以我唔惊大家话我系一个‘衰人’。”

演绎“绿茶婊”注重表情细节　为角色写过百页人物小传

郭柏妍亦笑言自己在私底下并非“绿茶”类型：“我真系唔系呢啲人，所以反而好难演！”因此她刚开始接演时感到非常吃力，力不从心，“完全唔系𠮶个角色嘅嘢，系好‘我’嘅嘢。但去到后期，随著剧本嘅拍摄推进，我自己写咗好多人物小传、做咗好多自己嘅brainstorm，身边嘅对手亦畀咗好多养分我，加上监制同导演嘅意见，先慢慢变到‘Sherman’。”

为了塑造角色，郭柏妍在声音和眼神细节上都下了不少功夫：“我把声又有啲唔同啦。有人建议我睇一啲剧集，我喺𠮶啲剧集慢慢吸收养分，希望可以做到，同埋留意下人哋（绿茶婊）啲样啰。”而现实中，郭柏妍透露也曾遇过“绿茶婊”，并将当时的观察作蓝本融入演出：“我发现呢，佢哋害你唔会出声嘅，唔会咁著迹，唔会化咁浓嘅妆。所以剧中嘅妆容同服饰，例如表情、眼神同下巴，都好帮助到我。至于内在好多嘴脸，我平时系唔会出现嘅，但我发现喺呢度，由头到脚都可以散发出一种奇怪嘅气息。”

郭柏妍续言，“喺前期我写呢个人物时，落咗好多功夫，唔单止系对白，心里面嘅OS都好重要。我嘅准备好多，睇返原来都写咗过百页嘅人物小传，喺每一句句子上面再写一句OS，因为以郭柏妍嘅角度讲，同以‘Sherman’嘅角度讲系完全唔一样，完全相反，所以早期压力好大。”

突破心理关口演“色诱”亲热戏 赞张颕康极度贴心

剧中不乏“色诱”及亲密情节。郭柏妍坦言是一大突破：“呢啲系要突破少少心理关口，平时比较少做，但为咗角色，我咩都愿意去做！记得拍摄时大约系中期，已经好入局，即系有啲位，又要乌低身、趷pat pat，对于我来讲，系一个好好嘅常识，因为呢啲平时唔会做。”

谈到与张颕康也有不少亲热戏，郭柏妍大赞对方非常贴心：“一开头都要嘅（过心理关口），但康哥好贴心，佢每个指示都讲得好清晰、好明白。佢喺一个好细心嘅爸爸，好照顾我呢个‘女儿’。无论系床戏定系哭戏，我哭到唔知去咗边嘅时候，佢都喺度帮我整理头发，我自己都睇唔到，但佢都默默帮我，真系一个好好嘅对手。呢部剧系我入行以来最多亲热戏同最多喊戏嘅一次。”是否没想过演“绿茶婊”，出来反而被赞有喜感？郭柏妍开心表示：“系啊。我都好惊大家真系恨我，但憎我又系一件好事，所以好矛盾！非常感谢大家，完全冇谂过效果会咁梦幻！”