现年75岁的资深老戏骨黄文慧（Bonnie姐）最近在TVB新剧《夫妻的博弈》中饰演霸气嫲嫲，造型优雅、眼神凌厉，戏味十足。她昨日（16日）到西九龙中心为剧集宣传时，亲自透露相隔40年重返TVB拍剧的背后原因。

剖析角色思想守旧有隐忧

Bonnie姐接受《香港01》访问时，笑指她的戏份还未有到戏肉，之后会陆续登场，并预告：“后边仲有几场大戏㗎。”Bonnie姐透露，虽然其角色看似威严，但内心其实充满担忧与心思，因为她要把持著一个大家族：“我好担心我个家族有无人继承得到，所以呢个老人家系有好多心事，亦都有好多隐忧。”她又形容角色思想较为守旧：“一个老人家就谂咗一些好守旧的思想，仲谂住以为我啲仔、我啲孙可以攀到其他大家族或者大的财团，同佢哋成为亲家，系咪好似又保我自己家族，又可以将我哋家族上面嘅业务发展出去。即系一个年纪咁大嘅老人家，都仲有一个野心！我形容系一个老狐狸，但后来会有一个转变，我觉得系一个好好嘅思想教育。”

相隔40年重返TVB拍剧　全因监制父亲为“大师兄”

问到今次是什么原因打动她相隔40年重返TVB拍剧？Bonnie姐直言是因为监制黄国辉邀请，背后还有一个故事：“讲机缘啦，呢个监制叫黄国辉，我未同佢合作过嘅。佢有一次打电话嚟，可能见我好耐冇嘢做、冇嘢拍啦，问我想唔想拍返一套剧，系TVB外拍剧嚟嘅。佢仲话：‘我爸爸，妳好熟㗎。’”

经Bonnie姐询问后，才知道监制黄国辉的父亲，正是当年TVB著名摄影师黄达龙（达哥）。她忆述：“黄达龙以前系一个好出名嘅摄影师，喺TVB有好多年，现在都退咗休了。而我入行时，仲系好年轻十几岁，佢就系我公司摄影师嘅大徒弟，𠮶时我哋有学摄影机，有唔识嘅，自然就成日问住大师兄，跟住我哋喺TVB又合作咗好多年，例如《京华春梦》、《射雕英雄传》，所以我知道系达哥个仔就马上话好了，支持下我大师兄个仔。”

接剧心态随缘：好嘅开心嘅咪接啰！

至于现时接拍剧集的心态，Bonnie姐笑言：“睇机缘啦，睇身体啦，我年纪都唔细了。（抱住玩嘅心态？）又唔系叫玩，我哋做呢行无话玩，即系我哋觉得呢个角色对自己有挑战，自己又想尝试，睇缘分啦、睇下个份量啦、睇下自己个心态，好嘅、开心嘅咪接啰！”