现年72岁的肥妈（Maria Cordero）第二任工程师外籍老公施晓洋在2020年因末期肺腺癌病逝，肥妈今住大埔2千万豪宅弄孙为乐。肥妈曾经有两段婚姻，第一段婚姻她饱受老公家暴兼出轨，令肥妈后生时要一个养6个，做搬运工养家。肥妈日前拍片剖白做搬运辛酸，一原因做足两年零7个月。

肥妈养一家七口还债做搬运被嘲“白粉婆”

肥妈日前拍片透露，当年一个养6个细路，4个小孩要上学，另外两个还是BB，还要被人呃欠债。至于“点解女人会拣搬运”，因当年因搬运公司在肥妈屋企附近。肥妈指当时告诉“朱太”要凑细路又要养家，“朱太”指：“你睇吓你拎唔拎得起啦！”肥妈心谂：“你搬唔起，你6个细路哥就冇饭食。”

最后肥妈“一嚟就嚟”，一人搬起约50KG麻包袋，肥妈只称“小事啦！”肥妈忆述当年要孭面粉：“50磅一包面粉，我哋（孭）三包面粉就系150磅（约68公斤），由街头搬到街尾，仲要摆落部机器度，再将佢入筛、攞返出嚟搅、入包。”肥妈指做到成身至眼眶都是面粉，故被嘲“白粉婆”。

肥妈搬到手受伤：洗衫大声嗌

肥妈一边做搬运，一边凑细路：“我朝早做好早餐，烫晒校服（畀）啲返学嘅（小孩），做完呢两样就仆去做搬运。晏就一个钟就仆返嚟，又要整奶、煮饭畀佢哋食，又仆返去。收工又仆返嚟煮饭、洗衫，（问）‘做好功课未呀？’”

肥妈搬到手都损，回家洗衫痛到大嗌，她说：“返到屋企又冻，洗衫（痛到）大声嗌，一洗完衫搽啲凡士林，套个胶袋落只手就瞓啦，朝早起身就做嘢。”肥妈做了两年7个月，最后没有取回部分退还金。她指做搬运做到有阴影，至今经过当年做搬运的地方还要兜路走，当年生活所迫也不敢想太多，惟有咬紧牙关坚持落去，“我冇谂过、要计还几多个月（钱），当你一计就挨唔过㗎啦！”