电影《厨师发办》昨晚（17/8）于圆方举行盛大首映礼，剧中三位主演卢镇业、梁雍婷及杨偲泳齐齐亮相同台。三位演员接受《香港01》访问，分享了拍摄过程中的点滴与深刻感受。

为了饰演片中的Omakase师傅，卢镇业特地在开拍前进行了严格的厨艺特训。他坦言：“我有去学一啲中厨、日厨、西厨嘅刀功基本功，同埋我觉得最难嘅系手握寿司，即系一个Omakase师傅握寿司嘅手势。因为我个师傅话佢做咗十年都话自己学紧，但我只系学咗一两日，系有少少惊嘅。但喺镜头嘅帮助，同埋师傅现场监督情况下，我觉得最后出来嘅效果都不错。”被问到现在是否已掌握握寿司技巧时，他谦虚笑道：“咁又唔可以咁讲啦，做咗十几年嘅师傅都话自己学紧，我点可以话自己识做。”

提到拍摄期间最难忘的事，梁雍婷笑言最开心的是能够边拍边享用美食：“我谂最难忘嘅一定要系可以边食嘢边拍摄啰！因为今次我哋好好，有厨师指导，除咗小宝本身要自己煮之外，其实每一道菜都有一个好好嘅厨师指导去配合，同埋每样食物都好新鲜、好Fresh咁去食。所以我觉得今次观众睇完之后，都会好痛快，好想好好喺香港不同嘅角落品尝每一道美食。”

杨偲泳也对剧组的道具美食赞不绝口，甚至爆料自己经常“偷食”：“好神奇！平时开工啲道具饭我哋唔敢食嘅，我哋今次系争住食！因为我哋个厨师准备得好香，我哋喺度等紧食嘅时候，就会唔小心想帮佢试下味先，偷偷地喺度夹。”

谈及片中涉及的交友软体主题，卢镇业分享了自己的青春回忆：“小时候ICQ或者Online game𠮶啲有试过，但近代嘅Dating App就真系冇。𠮶阵线上游戏好兴要喺游戏入面结婚，𠮶时识咗个女仔系澳门人，我哋ICQ倾偈先知，大家有交换过相，但因为𠮶时仲读紧中学，就冇搭船去揾佢。”