张敬轩（轩仔）昨晚（17日）在录音室进行网上直播期间，突然发生了一段小插曲。轩仔的手机突然响起，原来是“轩妈”罗姨来电，这通突如其来的电话更带来了一个不幸的坏消息，令轩仔不禁在镜头前感慨人生无常。

直播接阿妈来电　搞笑叫“罗姨”Say Hi

直播期间，轩仔的手机突然响起，他看了一看便说：“我老母打俾我，等等啊。”他随即接听电话，更搞笑地将电话开启扬声器，与妈咪进行公开对话：“妈咪…我仲播紧直播啊，你做咩啊⋯⋯系呀直播我同你讲紧电话嘛，你唔好闹我㖞。”

轩仔更鬼马地叫妈咪向观众打招呼：“你等阵间先，你同大家say个hi，同各位睇紧我直播嘅人say个hi呀，你话大家好呀，我系张敬轩老母Yo。”平易近人的轩仔妈咪亦十分配合，透过扩音器说：“我系阿轩仔妈咪呀，罗姨呀。”眼见妈咪讲得兴起，轩仔急急阻止：“好啦好啦，你唔好再讲啦唔好讲落去啦，等阵先我关咗个喇叭，如果唔系我阿妈会一齐直播。”

接获亲戚患晚期胰脏癌　叹人生无常

随后轩仔关掉扩音器，认真听妈咪讲述急事。大约半分钟后，轩仔面色转沉，对妈咪说：“去啦不如，你订机票啦。”挂断电话后，轩仔向网民交代了这个突如其来的噩耗。

他感慨地表示：“其实人去到某个年纪，就好怕系呢啲时候，夜晚黑10点几呀11点呀12点呀、一两点嘅时候，就接到阿爸阿妈电话，所以我个电话系二十四小时开机。”他透露了来电的原因：“阿妈打嚟讲咩呢？就系话屋企有个亲戚就发现咗胰脏癌，晚期。人生无常，唔紧要啦，我觉得我阵间Offline之后我再打返电话俾阿妈啦。”

恐惧夜半来电：电话永远跟身

轩仔坦言，人到中年最怕在深夜接到父母的电话，相信不少网民都有同感：“特别如果你哋唔系同阿爸阿妈住埋一齐，如果见到阿妈打嚟，你个心系会离一离嘅。我呢几年嘅情况就系咁，所以永远一Off stage，或者系拍紧广告唔使埋位，个电话都会跟身。”最后，轩仔以自身经历劝勉一众网民要珍惜眼前人：“所以而家睇紧直播嘅朋友啦，最紧要都系身体健康，人生无常，爱你所爱，多啲同你所爱嘅人多啲见面。”