元朗昨日（17日）发生60公斤大狗20分钟内先后咬死两只小狗的惨剧，事件引发社会广泛关注与讨论。歌手黄淑蔓今日（18/8）出席活动时，亦有就此事接受《香港01》访问，坦言自己密切关注事件的进展，并对两只小狗的离世感到非常心痛。

曾为狗义工的黄淑蔓心痛表示：“我觉得每一个生命嘅离开都系非常之值得令人心痛，我自己都有关注𠮶个事件啦。但同时因为我最新知道嘅资讯就系，只大狗系有芯片啦同埋有主人嘅，但就暂时好似未揾到个主人咁样啦。我觉得系一件非常心痛嘅事，冇人想遇到咁样嘅事情。”

提到大狗出街的安全问题，黄淑蔓呼吁狗主必须拉紧牵引绳：“都系希望大家可以，戴狗出街嘅时候系一定要拉狗绳啰。我觉得呢个好重要嘅，除了保护自己嘅狗，都系同时保护其他人嘅狗仔咁样。”

被问到大狗出街是否需要配戴口罩，她则坦言：“因为我自己其实只有养猫猫嘅经验，养狗仔嘅经验系好耐之前，所以我其实唔系好知道大狗系唔系一定大狗就要戴口罩啦。我亦都相处过嘅大狗，我亦都觉得唔系只只都系咁暴躁。所以我觉得，如果狗仔有行为问题嘅话，最好就要去揾医生啦，同埋揾训犬师啦，希望每个主人都可以负返自己嘅责任。”

对于涉事大狗主人被指事后离开现场、被质疑不负责任，黄淑蔓则保持审慎态度：“因为我始终都真系唔系好清楚，我哋大家都未知道个事情嘅幕后系发生咩事。都希望事情可以调查得水落石出，咁而家就可以做嘅就系，大家一齐为离开咗嘅狗狗，我哋一齐表示一个心痛同默哀啰。”最后，她再次希望所有宠物主人都能正视责任，避免同类悲剧重演。