遵理学校创办人兼补习名师伍经衡博士（Richard Eng）与妹妹伍咏薇（伍姑娘）今日（18日）于元朗出席“遵理新据点开幕典礼暨伍经衡博士英文学习分享展”剪彩仪式，除了庆祝Richard Eng相隔12年重返教育界，二人亦谈及昨日元朗发生的“狗咬狗”惨剧，一只重达60公斤的啡色大狗，在约20分钟内接连咬死两只小狗，伍姑娘直言觉得太惨太痛，故不敢观看有关片段，而先后养过七只狗的Richard Eng，深深体会到细狗主人心情，非常同情对方，并表示：“带大狗细狗都冇问题，但系大狗或者觉得可能有伤害性嘅狗，一定要戴口罩，好重要！”

荣誉校监伍咏薇力撑 爆娱乐圈不少艺人为胞兄门生

贵为“荣誉校监”的伍姑娘今日特意到场支持兄长，兴奋表示：“最紧要就系Richard Eng博士回归教育界，讲真嘅，认真嘅，系学生嘅福音！好兴奋，家长听到佢强势回归都冲住嚟报名读书，所以有福喇。”她又爆料指娱乐圈不少艺人和记者都是哥哥的学生，甚至有圈中朋友悄悄向她承认曾找Richard补习：“但系唔开得名，佢话唔好话俾人听佢补习，哈哈哈，个个都要扮劲㗎嘛。”

Richard Eng曾为学业及女儿暂退 相隔12年回归教育界

Richard Eng透露，自己在2014年因为想专心攻读博士及陪伴女儿赴外国升学，因而宣布退休，上年取得博士学位后决定正式回归：“返嚟再任教同埋做幕后嘅课程设计，叫做 Academic Director。”不过他笑言现时体力不如当年，不会再由傍晚教到深夜，会交由年轻教师与学生互动。伍姑娘日前在网上发文，指自己37年前也在又一地点为遵理剪彩，她亦感叹：“我系1989年入行嘅，遵理都系1989年入行嘅，我系有嚟剪彩，所以系我哋两兄妹，佢开学校、我入娱乐圈，都系同一年，所以都系好神奇呢样嘢，30几年喇已经！”

三兄妹重戴32年前手表合照　伍姑娘感动不已

早前伍姑娘在社交平台分享三兄妹合照，二哥专程从澳大利亚返港相聚，她看见二哥和大哥手上仍佩戴著自己32年前所赠送的同款手表，她当下感动得眼眶泛红，之后三兄妹再戴住这款珍贵信物拍了一张合照。伍姑娘在访问中也提到，这是她1994 年拍摄电影《姊妹情深》时购买给家人的礼物，回忆道：“𠮶年我拍电影好蓬勃，拍完之后咪行过西武，就觉得要买啲嘢俾屋企人，𠮶时自己买好多衫，都想留返啲钱买俾兄弟姊妹，我觉得我好乖。只表遗忘咗好多年，开头有戴过，好多年前，跟住今年见到二哥戴，个感觉个感受系好甜，见到大哥都戴住！我本身冇戴，我第二次食饭都戴返出嚟，跟住三只手合体影一张相，就算我唔摆喺一个平台度，我都觉得系一件对我嚟讲好感动嘅事。”Richard表示兄弟俩一直妥善保存该手表，并不时佩戴，指“我哋keep得好好”，伍姑娘即笑言：“我本人都keep得好好㗎！”

伍姑娘不敢看狗咬狗惨剧片段　坦言太伤痛

而谈及元朗YOHO昨日（17日）发生大狗咬死小狗的惨剧，一只重达60公斤的啡色大狗，在约20分钟内接连咬死一只比熊犬及一只迷你贵妇狗，经调查后再发现，同一狗只在今年7月10日曾咬伤另一只狗，并曾被扣留。根据网上片段及目击者所指，疑是细狗主人之一人士，当场跪地抱头痛哭，令人心痛。伍姑娘直言不敢观看相关新闻：“呢排好多都系虐待猫猫同埋大狗，我唔敢睇反而，我系好爱动物嘅，但系我见到啲新闻，你唔好话我哋点样，我系唔敢睇、唔敢听，因为好伤痛，人虐待𠮶啲，或者猫狗咬来咬去，我系唔敢睇。”

Richard Eng养过七只狗感同身受　吁具伤害性大狗戴口罩

曾养过七只狗的Richard Eng则表示对事件极度痛心及愕然，直言看到新闻时“打个突”，并对受害狗主深表同情：“我觉得最伤心就系，我知道坐喺度喊𠮶个应该系𠮶只Poodle嘅主人，我系绝对明白主人嘅心情，我相信佢会当只Poodle系佢嘅BB，当你见住一只大狗，喺度咬佢，咬嘅情况系完全冇办法去阻止，咁我觉得佢坐喺度喊，我系绝对同情，亦可能系因为某啲商场俾啲狗仔入去，所以会产生咁嘅情况。”

因应商场开放宠物进入，Richard建议管理层及法例应加强管制：“带狗狗冇问题，但系系大狗或者觉得可能有伤害性嘅一定要戴口罩，好重要！”伍姑娘亦有同感，呼吁狗主做好自保措施：“虽然而家商场可以带啲动物入去餐厅，但系因为动物可能好开心，我哋唔知嘅情况之下，可能大狗或者比较顽皮嘅小狗咩都好，动物啦，都系戴住口罩安全好多，保护自己又保护到人哋，呢样嘢做得到就做，自保先啦暂时。”