林盛斌（Bob）与麦玲玲（玲玲姐）昨日（18日）一同现身元朗，出席遵理学校新据点开幕活动，Bob透露自己与遵理渊源深厚，昔日在电台任职DJ时曾兼职帮忙做公关宣传，后来更与MC Jin一同担任代言人，连太太亦曾是该校的全职员工，因此笑言遵理是自己的“老细”，子女亦有在此校补习：“佢又俾一个好好嘅discount我，梗系补返自己友。”而玲玲姐则表示身边许多来自内地或不同地方的朋友，对子女升学考DSE有疑问时都会找遵理的创办人June Leung求助，大赞对方是升学专家。

被问过往有否在联校派对碰面 Bob：佢大学毕业我先啱啱读中一

讲到子女教育，玲玲姐即场取笑Bob，指见不到他像郑嘉颖般时常帮仔女跟功课：“人哋郑嘉颖每次出嚟都话要同人哋睇功课跟功课，好辛苦，你冇呢个状态即系唔够勤力啦！”Bob即反驳：“你系咪同我一齐住吖？你一系搬过嚟同我一齐住。全力做嘅话就唔够钱使㗎，佢哋考试之前我都会帮佢哋温书。”并表示自己考试前都会帮子女温习至少两小时，更澄清许多人误以为其子女读国际学校，其实全都是读传统学校，功课量极多。之后谈到二人母校，Bob中一至中五就读英皇书院，而玲玲姐则是英华女学校毕业，二人皆是名校生。玲玲姐指两校当年经常联合开Party，问到曾否在派对碰头，阿Bob即激动回应：“梗系冇啦！佢大学毕业我先至啱啱读中一！”玲玲姐则笑言：“我哋争12年咋嘛，而家兴姊弟恋呀。（Bob：仲唔够呀？你考会考嘅时候我好似二年班咋。）”

玲玲姐自资拍《失忆大师》　Bob一到场即指剧本“唔咩掂”

谈及最新工作动向，Bob透露早前与玲玲姐一同到内地拍摄短剧《失忆大师》，玲玲姐自资兼担任老细，但他就“投诉”阿Bob：“佢一嚟到见到剧本就闹，又话要改，角色造型又话要闹，好彩我揾咗叶念琛嚟控制下佢，我话‘叶念琛，搞唔掂！你个朋友上咗身’。”阿Bob即回应：“首先你要，嗱，咩闹啊？我系好认真去睇咗份稿，觉得有啲意见，想提出。（玲玲姐：‘唔咩掂’？系咪？）”不过之后Bob都有赞麦玲玲制作其实十分认真。问到她戏中角色，玲玲姐笑说：“我系将自己变成一个天下无敌嘅玄学家，但系我失咗忆，你当系赌神啲friend，然后再逆袭！”本来她表示冇男主角，阿Bob闻言即说：“ 咦？我觉得我自己系㖞！我原来系客串咩？我以为我系主演嚟㗎。”

麦玲玲自资拍短剧遗憾未请“小鲜肉” Bob擅加情欲戏：忍唔住

Bob又自爆见到玲玲姐即按捺不住，私下加感情线：“又加少少情欲咁样，冇办法，一定要，因为我忍唔住，有几个位一定要揽吓一定要哄吓。”不过玲玲姐就表示，吻戏在埋身前早已被她叫停；问到玲玲姐有否像早前新闻中的富婆般，自资开戏然后疯狂加戏与小鲜肉咀嘴，她即大呼可惜：“我就系迟咗，我迟咗先知道有呢啲演员福利！但系人哋唔肯呀应该。”问到同样客串的农夫可有像阿Bob那样加感情戏，玲玲姐说：“农夫冇感情戏呀，直头欺师灭祖！你知佢两个，又话呢度口诀唔啱，押韵又话改，𠮶度又改，但系佢哋……我买咗佢哋（《人夫集团》）好多飞，争啲整咗个麦玲玲专场咁滞！佢哋好好卖嘅啲飞，加飞都好好卖嘅。佢哋度紧新嘢，都有话会唔会有其中一场过去做吓嘉宾，我话我welcome嘅。”

大女Faye入读演艺学院文凭课程　Bob支持追音乐剧梦

至于Bob的18岁大女林霏儿（Faye），早前在社交平台展示香港演艺学院的学生证，Bob 亲证大女入读演艺学院的基础文凭课程：“佢入咗演艺学院读𠮶个基础文凭课程，一年，跟住再上，希望佢成绩好，希望佢表现良好，面试成功，咁就可以上到degree。”问到女儿是否打算入行，Bob透露女儿原本已获外国学校录取兼颁发奖学金，但最终决定留在香港圆梦，若将来有机会的话，她也会支持女儿出国继续进修：“佢钟意读Musical，佢钟意读英语音乐剧，佢而家就算读Foundation Diploma，佢一年之后应该都想入返Musical，英语音乐剧，舞台上面唱歌跳舞，讲英文𠮶啲。”记者建议玲玲姐可以开短剧畀Faye拍，Bob说：“咁㗎喇㖞，系㗎喇㖞！”玲玲姐马上得戚向Bob说：“我系金主妈妈！对我好啲呀！”

Bob尊重女儿穿衣自由　玲玲姐：后生梗系著少啲

此外，对于Faye有时在社交平台分享性感照，Faye在回应网民问题时透露：“有时候某啲场合会建议我著咩比较好，但系其实都唔会叫我唔好著。例如系陪佢哋见朋友咁，我自然就都跟返场合著啦。（爸爸比较多意见，但系其实都可以理解）”而Bob就在访问中表示只要适当场合穿著相应衣服便可：“可能佢譬如我会同佢讲话我哋今日屋企人食饭，咁话返俾佢知应该点样着。”玲玲姐则支持后生女展示青春美态：“我后生都着得好少㗎！（Bob：哗！好想睇呀真系！）好正常㗎，后生梗系着少啲啦系咪先？我支持，我仲有泳衣𠮶啲照，冇攞出嚟咋，等你呀！”问到Faye现时有冇拍拖，阿Bob就指还未，但相信应该有人追。