马天佑在圈中一向人缘绝佳，出一首歌闲闲地找到几十位艺人朋友合唱，而近日他与好友JW为节目《新城任务35》开咪，期间JW要他选出最好人、最靓、最醒、最难合作的艺人，他亦一一大方回答，甚至自爆被一位行内人出卖。而讲到“最好人”，他毫不犹豫表示是佘诗曼，分享阿佘帮他录《我们什么都不是》Cover时的温暖事迹：“我一定拣佘诗曼，我哋拍《我们什么都不是》𠮶条片我谂录咗4、5个钟，你可唔可以相信？我哋录咗音先㗎嘛，录完音本身好快搞掂，跟住佢问‘点呀？’我话‘It’s good.’佢话‘我唔要good，我要perfect。我大把时间同你录，录到perfect为止！’仲要𠮶时系《新闻女王》出街，佢忙到爆炸，佢同我讲咗一句‘我应承得你，我一定要做到最好！’我真系想喊，𠮶晚返到屋企，我系震住咁瞓觉，你知唔知我好感动呀！拍完之后佢再同我讲，如果你觉得唔够，你再约我，我哋再出嚟。”尽管二人本身只见过几次面，但马天佑直言跟佘诗曼合作后，自己的工作态度都随之改变。

赞容祖儿越嚟越靓似舒淇　佩服阿Sa默默耕耘心态健康

之后JW再问马天佑心中“最靓”艺人，他回答：“我细个好钟意容祖儿，我第一只买嘅碟就系容祖儿《未知》，我觉得佢愈嚟愈靓，前几日见到佢呢，我心谂‘哗，点解咁似舒淇嘅？’好有女人味。”而容祖儿亦是他从未合作却又最想合作的艺人，他希望留一个最特别的位置予这位偶像。而轮到“最Smart”，马天佑说：“我成日觉得做呢行嘅态度上，阿Sa（蔡卓妍）嘅态度系影响我好大嘅，阿Sa系好红，Twins一出嚟第一首歌《明爱暗恋补习社》 街知巷闻，但佢对于自己嘅事业𠮶个态度，系处于一个默默耕耘，每一步唔好贪心，做好眼前嘅嘢，一步一步慢慢做好佢。呢个心态系超级健康，我觉得呢样嘢系好帮到我，呢一行真系好多唔同心态，可能有啲人想行捷径，但有佢呢啲example系好帮到我。”

坦言与蔡依林最难合作　绝不重复旧造型需掌握过千发型

而JW的下一题问题，就问马天佑觉得最难合作、最辛苦的是谁，他大方表示：“我觉得同蔡依林做嘢系好难嘅！点解呢？我哋香港歌手冇规限得咁犀利，但台湾歌手佢哋每一个时期做嘅嘢系完全唔同嘅，一时玩依样嘢，一时玩依样嘢，但同蔡依林work呢，就系你唔可以重复任何佢做过嘅嘢，第一你要100%熟晒佢做过嘅所有嘢，唔可以提出一啲佢曾经试过嘅嘢，妆同头都系！我𠮶时系做发型，哗，佢应该试过1000个发型，你要了解佢之前1000个发型系啲咩先，天后走出嚟，歌迷就系唔想睇啲一样嘅嘢呀嘛！佢唔会出嚟再玩《舞娘》𠮶个丝带，你要study晒佢啲嘢，尤其是做顶级天后，你真系要做好晒准备，我觉得我好有信心嘅呢方面，呢个我强项。”