元朗日前发生一宗大狗发狂咬死两只小狗的惨剧，事件震撼全城，亦引来广大宠物主人的高度关注。古佩玲今日（19/8）现身铜锣湾出席电影首映礼，本身亦养有宠物的她，在接受《香港01》访问时提及此事，难掩心痛与难过之情。

古佩玲坦言，自己第一时间看到相关新闻时，根本不敢打开相关画面查看：“有啊，其实我第一反应睇到新闻，我唔够胆揿入去睇，因为我睇到个相已经觉得好心痛。好感受到𠮶种感觉，我一谂起就会觉得好唔舒服，所以就唔敢睇喇。”

谈到目睹爱犬遭袭击的主人当时无助崩溃，本身有饲养意大利小灵缇猎犬Louie的古佩玲表示自己完全能够体会那种恐惧与绝望：“感受到啊，因为其实我平时养咗Louie之后，我睇影片就算睇到狗仔猫仔病咗，我都会觉得个心惊一惊，系感受到呢种感觉。而且之前Louie都试过病，佢试过肾结石，一开始见到佢好唔舒服、呕得好厉害，𠮶刻其实真系好惊，之后即刻送佢去医院，所以我觉得呢种心情真系冇办法用言语去形容。”

对于涉事大狗及其主人的责任问题，古佩玲表现得相当沉重，坦言难过得不知如何是好：“其实我未真系够胆揿入去完全睇，我都唔知道个事情嘅经过究竟系点。但我真系好难过、好难过，因为我都遇到过狗仔可能本身嘅性格系比较激动少少，我之前都养过一只狗，佢系比较激动，都试过咬到我同埋屋企人身上有伤。我哋当时其实都有请老师，去慢慢引导佢。我都觉得养狗系一件系责任好大，同埋教好个BB都系个好难嘅事，就好似养小朋友咁。”

当被问及若涉事大狗最终面临人道处理会否感到可惜时，古佩玲语带哽咽表示：“好心痛啊，其实我依然觉得好心痛。因为我觉得，始终小动物佢哋未必知道自己喺度做紧咩，所以其实我都好心痛，唔知点样去讲。我见到我平时有去做救助流浪狗，我都见到好多狗仔可能因为唔知佢哋经历过啲咩啦，见到啲狗仔因为咁就冇咗只眼、冇咗两条腿，跟住就被人抛弃咗。我睇到我都觉得好辛苦，尽力睇下有咩可以做到，等佢哋呢一生可以过得舒服啲。因为小动物佢哋嘅寿命，其实我哋对于佢哋嚟讲，就系佢嘅一生。”