元朗日前发生大狗接连咬死两只小型犬的严重意外，事件震撼全城，亦引起社会对大型犬只监管与狗主责任的广泛关注。邓凯文今日（19/8）现身铜锣湾出席电影首映礼，接受《香港01》访问时被问及此事，本身亦有养狗的她难掩惊恐与痛心，直言看到相关片段后感到十分心痛。

家有爱犬家人大惊 坦言留心理阴影

邓凯文坦言事发后自己与家人都高度关注，家人甚至一度不敢让家中的狗狗出街。她指爱犬是身型较小的贵妇狗，个性温驯，这次事件无疑令小型犬狗主人心惶惶。她坦言虽然知道不应该过度恐惧，但现时街上看到大狗难免会有心理阴影。

问到能否体会遇害小型犬狗主的绝望心情，邓凯文感同身受：“我绝对系好明白，因为𠮶一刻我睇到𠮶条片嘅时候，真系好心痛。我好明白如果发生喺我身上，要我望住自己只狗有啲咁嘅情况发生𠮶阵，我有谂过好多个情景我可以点样做，我可能会以死相搏啰！我宁愿你咬我啦，你唔好咬我只狗啰。我绝对明白𠮶个主人嘅无奈，因为我见到佢哋都有唔同嘅人去帮助只细狗，拉佢后腿呀、或者淋水喺佢只眼度啦，但都救唔到，系好可惜，而且唔系一只狗，系两只狗。”

指大狗主人卸责 痛批防范措施不足

谈到涉事大狗主人的责任问题，邓凯文直言对方绝对需要承担责任，并认为对方提出的理由只是借口：“我觉得系绝对需要负责任，因为我有睇过大狗主人有讲过，喺屋企可能已经有啲保护网呀，或者起咗啲咩墙，令到首先只狗唔好偷走，今次系第二次偷走。咁我觉得呢个系一个借口对我嚟讲。你唔可以话你疏忽照顾儿童之后，你话‘其实我已经做咗所谓措施，系佢自己问题，系个小朋友嘅问题’，宠物更加系啦，佢系狗仔嚟㗎嘛。你养得佢你就一定要负晒所有责任，唔可以到有事嘅时候，就好似撇清界线唔关自己事。”

呼吁戴口罩与系牵绳 做好双重保护

最后被问到所有狗主带爱犬出街是否必须系上狗绳，邓凯文坚决认同，并呼吁大型犬主人应进一步加强防护措施：“我绝对认为系，系保护返自己嘅宠物啦，再系保护人哋嘅宠物啰，人哋嘅子女呀。我觉得系非常有必要，同埋可能大狗真系要戴口罩，保护自己只狗同埋保护人哋啰。因为如果你咬到人哋嘅话，其实只狗可能都要人道毁灭或者有相应措施，对只狗系可能好唔好，所以我觉得系有必要去做。”